فيسبوك تويتر RSS



العودة   منتديات ستوب > منتديات جمالك > منتدى وصفات العناية بالجسم والبشرة بطرق طبيعية

منتدى وصفات العناية بالجسم والبشرة بطرق طبيعية مختص بالعناية بالبشره وجمالها . تفتيح البشرة . تبيض البشرة . أقنعة للبشرة . وصفات طبيعية للبشرة . أفضل الخلطات للبشره . طرق تنظيف الوجه . طريقة حف الجسم . زيوت خاصة للجسم . أجود خلطة للبثور . علاج حبوب الوجه . خطوات العناية بالجسم . شروحات بالفيديو العناية بالجسم . العناية بالجلد . مرطبات خاصة للبشره ..



إضافة رد
 
LinkBack أدوات الموضوع
  #10  
قديم September 9, 2011, 02:22 PM
 


مشاركة ثانيه
موضوع حلو ومفيد

الليزر عملت وجهي والنتيجه حلوه ولله الحمد خف بشكل كبير بس يبي له صبر



الأنف انا كان عندي عظمه بسيط بارزه بالانف واغلب الناس فيهم

وانا كنت اكرهها

رحت لدكتور الحواري (قلووووووووووووووب من هنا لأخر الدنيا)

انسان راقي محترم نصوووووووح <<<<وهذي اهم نقطه بالدكتور


رحت لكذا دكتور والله يقررون ومايشاوروني ولايسمعوني وانحاش

حواري تركني اتكلم واتكلم كني عند دكتور نفسي

قالي خشمك حلو والبروز هذا يضايق ناس وناس لا

وشرح لي كل شي

لدرجه يابنات اني طلبت منه عمليه لفتحات الانف ورفض وقال ماراح اعملها لان الفتحات عندك كويسه وماتحتاج

عملت العمليه ب 15 الف سمعت ان اسعاره ارتفعت

جلس فيني الجبس تقريبا 10 ايام لان كان فيه تكسير بالعظم

عيوني مافيه معالم تتفخت وورم والوان الدنيا بوجهي
تخف مع الكمادات يعني اسبوعين وتبداء تخف والورم يطلع اكثر شي للي تكسير عظم اما اللي بس غضروف يكون ورم بسيط ويروح بسرعه

النوم ماكنت انام زين تخيلوا جبس على الخشم <<<عذاب

بس ماكنت اشكي لان اهلي بيهاوشوني <<<<من بغى الدح


اول ماشال الجبس انصدمت صدمه طلع خشمي كني كاتيا حرب يررررروع

طبعا هالصدمه وهو معلمني من قبل العمليه اني ما احكم عليه اذا فكينا الجبس
وقبل لايفكه قال لاتحكمين

بس غصب عني شكله وع وغمضت عيوني وجلست اصارخ غطه غطه

بنااااااااااااااات اللي بتسوي لاتحكم على شكلها اول 6 شهور

سبحان الله بعد شهر لي شكل كل مامر اسبوع تتغيرين

انا تقريبا اخذت الشكل النهائي لما كملت سنه


الحين نجي للملخص <<<احلفي

النتيجه ولله الحمد مرضيييييه مره
ومو مبين ان عامله كل اللي يعرفوني كانوا يقولون لي محلوه سامنه ولا ناحفه وهالكلام كان قايله لي الدكتور
قال محد بيلاحظ وفعلا صار نفس كلامه

والله ان خالاتي مالاحظوا بس يتنحون ويقولون ناحفه لااااااااا سامنه

الحواري عيبه مواعيده وهالشي مو منه من كثره الناس عليه يعني ممكن تاخذي موعد بعد سته شهور والعمليه بعد 6 شهور الا اذا تعرفين احد يعرفه

له عياده بعيادات المشفى بالطريق الدائري ممكن الوحده تحصل موعد بعد شهر او شهرين


ورحت له مره بعد العمليه وانا سامنه شوي قلت دكتور ماودك تسوي شفط لبطني

قال تعالي اشوف انا فرحت <<<<هبلاء

طالع بطني قال روحي انحفي اربعه كيلو ويزين <<<<<لو انه واحد ثاني كان قال اسويلك


ممكن يكون لبنات تجارب فاشله معه بس ماتعتبر دليل على فشل الدكتور لان نجاحه اكثر من فشله




يتبع


رد مع اقتباس
  #11  
قديم September 9, 2011, 02:23 PM
 

كيف الـLPG معاك .. عند الأفخاذ .. أيش التغيير اللي صار ..
والله حلو انا ارتحت له مرره وناويه أكمل الكورس وابدا بثاني ان شاءالله .. عند الافخاذ شد العضله شوي يعني انتفحت

حسيت اني سمنت ما ضعفت بس اذا استمريت بالجلسات ان شاءالله بتكون النتيجه أحلى << توي باديه سويت اربع جلسات من أصل 12 مع العلم اني راعيه رجيمات بدون رياضه

Graziella





إقتباس » اول مره ادري ان فيه شد بالـ LPG لك كم مسويته .. واذا مده طويله حسيتي بفرق بعد فتره .. يعني ترهل جسمك .. يقولون اللي تنحف عن طريق جلسات الـ LPG يرجع الجسم اخس من اول ويترهل ماااره

توني بادية فيه ما أمداني وجد حسيت بفرق جسمي شد على طول , طبعا هو ما ينحف أبد بس يشد سمعت انه يرهل الجسم اذا سمنت الوحده مره ثانيه يعني لازم نحافظ على الجسم ما نسمن

نفسي تفهمني !!



إقتباس » بدي اسأل بنآت من سوت تكسير دهون وبأي منطقه سوت ؟
</B>
أنا جربت مساج الـ LPG اللي هو يشد الجسم ويخلص من الترهل , بس ما اعرف شي عن تكسير الدهون
تجربه

هنايف /


عملية التحوير أو الباي باس أنا سويتها تقريباً من سنتين ونص
والحمدلله مافيني إلا العافية والنتائج جداً مرضية
يمكن جلست سنة وانا هده رده ومترددة واشوف وش احسن دكتور وكذا


بنظري أحسن دكتور في الرياض كلها او حتى المملكة هو عاطف البصاص
استشاري كبير في مستشفى العسكري وله عيادة في مستشفى الحمادي


ما جاني مضاعفات ولا كليت حبوب فيتامينات مثل بعض الناس ..
خالتي مسويته في مستشفى مركز التخصصي وتعبت مرة وتاخذ حبوب طول عمرها مدري ليه
أنا كل مارحت له وقلت له ماتعطيني فيتامين شيء منا مناك قال لي اذا بغيتي تربحين الصيدليات وصفت لك حبوب
مالها لزمة ..


بس الشيء الوحيد إللي حصل معي هو انخفاض السكر عندي في حالة اني صمت وبعدين فطرت وكثرت حلويات
لان حجم المعدة صار صغير على حجم البنكرياس ولما يتلقى البنكرياس السكاكر يبدا يحرق بسرعة وينخفض عندي السكر .. بس لما اوازن في اكلي واخليه بين فترات مايصيبني شيء الحمدلله ..


أنا شفت ناس كثير سوو نفس العملية بس عند دكاترة ثانين وصراحة لاحظت إنهم تعبانين ومررررة خسو طلعوا عظامه
..ا.نصحك بالبصاص والعملية في الحمادي تكلف تقريباً 35 إلى 38 ألف ريال ..


وإي استفسار عندك الرسائل ومستعدة اقولك كل شيء من طقطق للسلامو عليكو ..
واهم شيء المفروض تعرفونه إن أفضل وقت تسوين فيه العملية وانتي لسى شابة مو معيلة وبلغتي من العمر عتيّا توك تفكرين تسوينها .. لان النتائج ماتكون مرضية وترهلات وحالة
تجربه
</b>
إقتباس » بناااااااااااات تجاربكم مع جهاز Lpg
وين سويتوهاا؟ وبكم؟
شوفي يشد الجسم ويشيل السولوليت بس

طبعا يغير بمقاساتك

كنت البس M صرت البس S

بس فيه ناس اشتكو منه

اعرف وحدة تقول ماعرفت الستيانات الا عقبه يعني كبر صدرها


عاد تراه يعوور

زي المساج بس احسه يوجع

اسعارهـ ناسيه كم بالضبط

بس انا كنت ادفع لها كل عشره ايام مهوب بالجلسات

كنت اخذ جلستين كل اسبوع

ادفع لها كل عشر ايام 1000 ريال لأني اسوي نظام غذائي عندها

وبس

سويتها بمركز الصبحي التخصصي

موفقه



يتبع


رد مع اقتباس
  #12  
قديم September 9, 2011, 02:27 PM
 


اختي وين سويتي تقشير احماض الفواكه ؟؟وبكم ؟؟
مشكوررره Bp039


انا خالتي قبل مده سوت تاتو لحواجبها بالرياض واشوفها حلو بما انها ما عندها حواجب ولا تقدر تستغني عن الرسم
سويته في مركز ايان ب 1800

وبالنسبه لتحوير الامعاء
انا شفت موقع الدكتور وقريت تجارب اللي فيه
وكني بديت اقتنع

بس ياخوفي اللي بالموقع كلهم مدفوع لهم عشان يكتبون
مابي اظلمهم بس يجيني ذا الشعور كثير
اللي يبي موقعه هذا هو
وفي اقسام لتجارب اللي سوو العمليات ..</B>


لا تفكرين مجرد التفكير بتحوير المعده لا يهمونك الي يمدحونه

انا عندي ثنتين مسوينها وحده صاحبتي والثانيه اخت صاحبتي مسوين تحوير

مشاكلها عويصه احياناً تدوخ ومرات هبوط بالسكر وعايشين على الفتامينات ويضطرون احياناً

ياخذون ابر حديد كل اسبوع او كل شهر ... وبرمضان ماخذه اجازه لانها تتعب .. وغير كذا ممكن

يصير فيه التصاقات بالامعاء لان واحد نعرفه صار له كذا ويحتاج عمليه

بصراحه ماتسوى عليك .. مالك الا خيارين

ياتسوين ريجيم مع رياضه

او عندك حلقة المعده ربط المعده صاحبتي مسويتها نحفت كثييرررر على الربط ..بس اكثر

الاحيان ترجع و مستحيل تشرب وهي تاكل ترجع بس انها اقل خطوره من التحوير

وانا افضل الخيار الاول رجيم ورياضه روحي عند رنده برياض الهجن تأدبك
مشاركه ثانيه
إقتباس »
بنات يعطيكم العافيه استفدت من الموضوع لاني افكر اسوي
Lpg وسوي معه سبور علشان انحف لاني بعد الولاده سمنت ووزني اليوم69
يسلمو على عرض تجاربكم

زي ما قلت لكم يا بنات الجهاز ما ينحف بس يشد , يعني نزلي وزنك واذا انتي عجازة ومب راعيه رياضه انصحك بهالجهاز وبقوة
إقتباس »
حبيت اسألك ياقمر بالنسبه لشد الافخاذ والزنود يكون لدبدوبات والا يصلح كمان للنحيفات ؟ومين سوا لك هالعمليه بالضبط ؟وبكم ؟والموقع حقهم وين بالتحديد ياليت تجاوبيني

أحس انه يصلح للنحيفات اللي كانوا دبدوبات سابقاً, أنا جالسه اسويه حالياً عند عياده الدكتوره غسانه بالدمام , هو مش عمليه اول شي يلبسونك suit خاصه بالجهاز ويمررونه على المناطق المترهله بالجسم , الكورس الواحد 12 جلسه مرتين بالاسبوع
مشاركه جديده

هآي بنوتـات

بالنسبـة للـ LPG خواتي ثنتين جربوه ونفع معاهم وحده منهم نزلت 4 كيلو من نص الجلسات< طبعا يختلف من جسم لجسم وعلى حسب الوزن, أختي هذي كان عندها احتباس مويات وكانت تمشي ساعة فـ اليوم+ الجلسات ..

في جدة , عندكم جاك دو سانج في التحليه, 12 جلسة بـ 1800

عاد اختي سوت نص الجلسات و بعدين سوت عملية ومارح تكمل , أنا رح آخذ الـ 6 الباقيـة و أعلمكم بتجربتي

يتبع



رد مع اقتباس
إضافة رد

مواقع النشر (المفضلة)


جديد مواضيع قسم منتدى وصفات العناية بالجسم والبشرة بطرق طبيعية
أدوات الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
فيديو سلسلة جبريل يسأل والنبى يجيب 53 حلقه كاملة بروابط مباشرة للشيخ محمد حسان مسر البوب منتدى الفقه الاسلامي والفتاوي الدينية والاعجاز العلمي والصوتيات 6 August 14, 2014 01:12 AM
كتب نافعة ، أنصحكم بقراءتها نفيس منتدى الكتب المتنوعة الالكترونية المتداولة والنادرة 11 March 12, 2012 07:27 PM
أكد أن 90% من عمليات التجميل في السعودية للنساء صائد القلوب منتدى وصفات العناية بالجسم والبشرة بطرق طبيعية 7 January 29, 2012 09:04 PM
ملف شامل عن عمليات تصحيح الابصار حسام الصعيدى منتدى الطب التشخيص والعلاج ودليل الادوية منافعها واضرارها 7 January 20, 2012 12:03 PM


الساعة الآن 01:17 PM.


Powered by vBulletin® Version 3.8.8, Copyright ©2000 - 2017, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتديات ستوب لاتُعبر بالضرورة عن رأي ستوب ويتحمل صاحب المشاركه كامل المسؤوليه عن اي مخالفه او انتهاك لحقوق الغير