فيسبوك تويتر RSS



العودة   منتديات ستوب > منتديات جمالك > منتدى وصفات العناية بالجسم والبشرة بطرق طبيعية

منتدى وصفات العناية بالجسم والبشرة بطرق طبيعية مختص بالعناية بالبشره وجمالها . تفتيح البشرة . تبيض البشرة . أقنعة للبشرة . وصفات طبيعية للبشرة . أفضل الخلطات للبشره . طرق تنظيف الوجه . طريقة حف الجسم . زيوت خاصة للجسم . أجود خلطة للبثور . علاج حبوب الوجه . خطوات العناية بالجسم . شروحات بالفيديو العناية بالجسم . العناية بالجلد . مرطبات خاصة للبشره ..



إضافة رد
 
LinkBack أدوات الموضوع
  #13  
قديم September 9, 2011, 02:34 PM
 


تنظيف البشرة كنت اسويه بالمشاغل كل ماشوف في عندهم عروض مسوينها
رحت نوارة/ ريما/ جلامر,, هذي رحتها سمعه ماكان فيه عندهم عرض


الوئام/ ليتني مارحت خليني ساكته

سيرينا/ عرضهم في الربيع كان حلو

مستوصف السلام / سويت كرستال وكان حلو

عيادة الموج التخصصية/ بديت عندهم ليزر ازالة شعر الوجه كان تقريبا 350 ريال
وقالت الاخصائية تعالي بعد يومين اعملك جلسة نضارة
وعجبني حسيت بلمعه عجيبة
وجاني مسج منهم عن عرض ازالة شعر الابط والشنب 400 ريال ورحت سويت
بعدين خلاص استمريت عندهم

بس التقشير ماجربت اخاف اخاطر فيه

وسويت كمان عندهم تنظيف بس مو بالجهاز البخار بجهاز ليزر اسمو كربوني وعجبني ورحت لبنات خالاتي وسألوني فين سويتيه قمنا يوم الخميس في الصباح رحن العيادة
هههه/ بنت خالتي راحت تسوي تنظيف بشرة سوت ليزر ازالة شعر الجسم كلو 2100 ريال انخبلت على العرض

كان نفسي اسوي حقن شفايف ويد/لكن ماعندهم خصاااااارة
بس عندهم الفيلر


المشي ثم المشي ثم المشي هو/ اللي خلا وزني ينزل بطريقة سريعه كل يوم كنت امشي ساعه
بعدين صارت يوم بعد يوم
وسمعت عن اجهزة الشد ورحت كم نادي لكن ماقتنعت بالكريمات وجهاز الشد الموضعي
فهناك قالتلي اخصائية التغذيه سوي ال بي جي
فسالتها اش هدا الجهاز
فوضحتلي هو
ورحت البيت سويت اتصالاتي طبعا الاسعار تختلف من مكان الى مكان وفي جهاز زيرونا اذا ماخاب ظني
وكان عندي قبل اسبوعين الجلسة الثانية لوجهي اشيلو بالليزر وسالت الدكتور يسوي عملية شد
قالي ايه ومالك انتي فين ووالعمليه فين احمدي ربنا على جسمك
وقالي عندنا ال بي جي
هههههه/ نقزت من الفرح وماجاء في بالي انو راح يكون عندهم الجهاز لان اللي اعرفو عيادة اسنان وباطنية واطفال ونساء وولادة وتجميل وليزر وبشرة وبوتكس/ بس تخسيس وتغذيه ماجاء على بالي وقلت بداخلي ياجيب ابويه هات ماعندك
وقلت كيف الاسعار اقصد النتيجه سويت نفسي مايهمني السعر
وانا جوا قلبي يهمني السعر والنتيجه مع بعض صراااحه

قالي/ بـ 2000 ,, 12جلسة
راحت عيوني الوان
وبعدها قال في عرض ب 1800.. 12جلسة.. ومعاها 3 جلسات مجانا
يعني صارت 15 جلسة
قلت / ماعندي امكانيه غير 1000 ريال
قالي خلاص ب1000 ريال سوي 6 جلسات
وشفت النتيجه حلوة نفسي اكمل معاهم لكن الامكانيه عندي ماتسمح كتير
الاجازة على الابواب وبعدها رمضان
وعندنا افراح يدوب المصاريف يارب يرزقني ويعطيني ويعطيكم

هذي تجربتي وان شاء الله اكون افدتكم



يتبع


رد مع اقتباس
  #14  
قديم September 9, 2011, 02:35 PM
 


السلام عليكم

انا بعد كم اسبوع ان شاء الله وبقدرته بسوي عملية تجميل حق خشمي

عندي انحراف قوي لجهة اليسار فخشمي ووايد مخرب على شكلي وبعد الطرف اليمين منسد

انا رحت لبنان وقابلت الدكتور . . بصراحه وايد خفت مع انه مايخوف واحلى شي ان الدكتور يسوي عمليات الخشوم ليزر مب جراحه الحمد لله من هالناحيه مطمنه . .

بس هو يوم شافني قال العظم برجعه نفس ماكان لكن القظروف بحاول فيه

وعطاني نجاح العمليه 90% الحمد لله على كل حال وانا ناويه اسويها . . لان الدكتور ولله الحمد شاطر وايد

وتعامله وايد راقي ومكانه مرتب وحتى اللي يشتغلون هناك يرحبون وتعاملهم وايد حلو الحمد لله :)

وهو قالي واقنعني قال انا مابجذب عليج وبقولج ان العمليه 100% اقولج انها 90% والقرار يرجع لج رجعي بلادج وفكري واذا اقتنعتي حجزي موعد وان شاء الله نرتبلج ونسوي العمليه . .

وهو يسوي شد وشفط وفلر وبوتكس وكل شي . . بس غالي وايد لانه اكبر دكتور فالشرق الاوسط :)




يتبع


رد مع اقتباس
  #15  
قديم September 9, 2011, 02:36 PM
 


بسم الله الرحمن الرحيم

هلا حبيباتي شلونك وشخباركم ,هذي اول مشاركه لي في المنتدي , وحبيت افيدكم عن عمليتي لتجميل خشمي
لاني اعرف كل وحده في نيتها تسويها ,تجلس تقلب المنتديات حتى تلقي الطبيب اللي يريح بالها والمعلومات اللي ممكن تفيدها ...
ما ابي اطول عليكم لكن صدقووووني انا كنت عايشه مأساة مع خشمي
لكن الحيييين ولاااااا اروع خشم شي يجنن (ماشالله ماشالله لا احسد نفسي)

المهم :_

بتاريخ 22-8-2010 يعني قبل اسبوع تقريبا
رحت دبي مركز كوزمسيرج عشان اقابل الدكتور غابرييل اكرم صعب
لان هو دكتور زاير ويجي بس 4 ايام في كل شهر ل دبي .يسوي عمليات ويرجع ..
دخلت المركز عطوووني ملف كبيير لازم ينملي بمعلومات عنج وعن صحتج
المهم قابلته وكان مرررررررررررره ناايس ومرتب وطريقة كلامه كانك في مقابله تلفزيونيه ش الذووق ش الرقي

اول سؤال قالي (يا فلانه شو بو انفك؟)
وياليته ما سال قعدت اتكلم عن مساوئ انفي قرابه الساعه وهو بس يبتسم ويحرك راسه
وانا اتكلم ..
بعد ما سكت قالي انزينتعالي صوب الديسك مالي
ماااا صدقت حطيت شنطتي وجوالي وطيرااان حقه
قعد يناظر انفي شوي وقالي اوكي بسويلج عملية سهله جدا ما فيها الم نهاائي
وراح صغر لك مناخيرك (رابة الانف)
و بسويلج عمود من من ماده صناعيه لان انفج مرررره مسطح (احرجني الادمي)

قالي متى تبين اسويلج قلتا من باجر اذا ممكن انا مستعده , بس جم الفلوس
وهذي كانت صدمة حياتي 24000 درهم
صراحه انصدمت لان كل ما اتصل ع المركز يقولون لي اسعار العمليات من 16 -22 مو اكثر

وعلى فكرة بعد ما قالي السعر هو ما يتناقش في السعر ولا يسوي ديسكاونت..
عطى ملفي حق مديره السكرتيرات بنت لبنانية حبوبه كده وقالي روحي معاها وهي بتفاوضج في السعر

المهم رحنا مكتبها وسوت تيليفوناتها وكده بعدين قالتلي اااااخر سعر ممكن نعطيج اياه 23000
بعد ما صدقت لان مثل ها العمليات ما تكلف كده بره ,,
لكن يا بنات والله من كثر ما انا كنت متحمسه قلتلها خلاص اووكي امري لله
وفعلا دفعت كل المبلغ كاااااش لازم تدفعينه قبل العمليه كاامل.
وجات نفس البنت صورت انفي من اتجاهات مختلفه وكملنا الاجراءات ...وبعد ارسلتني حق مستشفى الامارات عدالهم على طول مع ممرضه عشان اسوى تحاليل وكده..
بعد هذا كله جا يوم العملية اللي هو ثاني يوم من المقابله علي طول ...

[marq="3;right;1;scroll"]يوم العمليه[/marq]


رحت الصبح مستشفي الامارات عشان يجهزوني للعمليى..
عطوني لبس العمليات وجتني دكتوره التخدير (مررررررره ذوق) كلمتني وسالتني جم من سؤال وقالت لي الدكتور الحين بييج
غيرت ملابسي وفعلا جاني الدكتور ولاخر مره شرحلي فكره العملية وشو راح يسوي..
المهم دخلوني الجراحة وبعد ساعه الا , طلعوني
الصراحه يا بنات ما حسيت باي شي ولا شي وربي على ما اقول شهيد
ما وعيت الا وهم يفيجوني في السرير في الغرفه
وش الاهتمام منهم قسم بالله يعطونج احساس ملكه هذي داخله وهذي طالعه كل شوي يطمنون عليج..
بعد 3 ساعات من العمليه طلعوني البيت والحمدلله ما كت حاسه دوخه ولا شي من هذي الاشياء..
والحين اليوم الخامس للعملية امس رحت لهم شالولي الحشو اللي داخل انفي لانهم لازم يشيلونه بعد3 ايام مو اكثر
وفعلا شلتها , ويوم الاثنين الجاي بيشيلون لي الجبيره


نتايج العمليه

النتايج الاخيره اكييد ما بتظهر الحين على حسب كلام الدكتور اهي المنظر بيبين بعد العملية على طول .. يعني الشيب للشكل بيبين لكن الشكل النهائي يعني بدون ورم ولا شي بيظهر لما اتم شهر من العملية
قالي 80% من نتايج العلية بتظهر اول شهر اما 20% على مرور ست شهور
وفعلا شكل الانف للحين واااايد مطمن وجميل مع اني احط في الاعتبار انه لسه متورم
لا راح الورم تتخيلون كيف بيكون ناااااااااااااايس


رد مع اقتباس
إضافة رد

مواقع النشر (المفضلة)


جديد مواضيع قسم منتدى وصفات العناية بالجسم والبشرة بطرق طبيعية
أدوات الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
فيديو سلسلة جبريل يسأل والنبى يجيب 53 حلقه كاملة بروابط مباشرة للشيخ محمد حسان مسر البوب منتدى الفقه الاسلامي والفتاوي الدينية والاعجاز العلمي والصوتيات 6 August 14, 2014 01:12 AM
كتب نافعة ، أنصحكم بقراءتها نفيس منتدى الكتب المتنوعة الالكترونية المتداولة والنادرة 11 March 12, 2012 07:27 PM
أكد أن 90% من عمليات التجميل في السعودية للنساء صائد القلوب منتدى وصفات العناية بالجسم والبشرة بطرق طبيعية 7 January 29, 2012 09:04 PM
ملف شامل عن عمليات تصحيح الابصار حسام الصعيدى منتدى الطب التشخيص والعلاج ودليل الادوية منافعها واضرارها 7 January 20, 2012 12:03 PM


الساعة الآن 09:16 PM.


Powered by vBulletin® Version 3.8.8, Copyright ©2000 - 2017, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتديات ستوب لاتُعبر بالضرورة عن رأي ستوب ويتحمل صاحب المشاركه كامل المسؤوليه عن اي مخالفه او انتهاك لحقوق الغير