فيسبوك تويتر RSS



العودة   منتديات ستوب > المنتديات الطبية > منتدى الريجيم الصحي ونصائح الخبراء

منتدى الريجيم الصحي ونصائح الخبراء مختص بالأنظمه الغذائيه الصحيه . الريجيم . الحميه . خلطات . وصفات . تنحيف الجسم . تسمين الجسم . وصفات دايت . نصائح من خبراء التغذيه . علاج النحافه . انظمه للتخسيس . خلطات لزيادة الوزن . خلطات للتنحيف . طرق تثبيت الوزن . الوزن المثالي . فوائد الرياضه . انقاص الوزن . السعرات الحراريه في الوجبات . . اللياقه البدنيه . رشاقة الجسم ..



إضافة رد
 
LinkBack أدوات الموضوع
  #1  
قديم January 8, 2017, 01:35 PM
 
Sss18 نصائح صحيه لكى تحصل على جسم رشيق


نصائح صحيه لكى تحصل على جسم رشيق






نصائح صحيه لكى تحصل على جسم رشيق


علشان توصلى لأهدافك وتحصلى على جسم صحى ورشيق، لازم تعرفى ايه الحاجات المفروض تعمليها الى جانب التدريب، تعرفى ان اى عاده او تفكير سلبى ممكن يأثر سلبياً على مجهودك حتى لو انت بتتمرنى جامد، علشان كده يلافورما حتقولك نصائح وعادات صحيه المفروض تتبعيها علشان تحصلى على جسم صحى ورشيق.

نصائح صحيه للبنات

أوعى تفوتى وجبه الفطار:
تعرفى ان وجبه الفطار هى اهم وجبه فى اليوم لأنها بتزود من معدل حرقك للدهون وبتمد جسمك بالطاقه علشان تكملى يومك، لازم تفطرى مافيش كلام، ممكن تأكل زبادى مع توت (او اى نوع فاكهه) او بيض مع سبانخ او عصير green مليان بالخضروات الخضره.

نامى كويس:
لازم تنامى بالليل لأن النوم الكويس حيساعد جسمك انه يقلل من الضغط النفسى ويعالج عضلاتك وتستردى صحتك وتبقى فريش تانى يوم، علشان كده مهم اوى انك تأخدى كفايتك من النوم بالليل علشان تحصلى على جسم رشيق وصحى.

أشربى ميه كتير:
حاولى تخلى جسمك رطب دايماً علشان تزودى من معدل حرقك للدهون وكمان تخلى أعضاء جسمك تعمل بكفائه.

كُلى سناكس غنيه بالبروتين والدهون الصحيه:
مهم اوى انك تأكلى 6 وجبات فى اليوم وهما: فطار وسناك وغداء وسناك وعشاء وسناك، كُلى لما تكونى جعانه وأختارى الأكل والسناكس الصحيه.

قللى من تناول الكافيين:
حاولى تبدلى الكافيين بشرب ميه كتير، بدائل الكافيين ميه بالليمون او شاى أخضر او عصير فريش من غير سكر.

كُلى الأكلات الصحيه وبس:
حاولى تختارى الأكلات الصحيه والمغذيه للجسمك، كمان الأكل الصحى حيمد جسمك بالطاقه وفى نفس الوقت من غير كالوريز زياده.

خليكى نشيطه:
أطلعى على السلم واكثرى من المشى او ركوب العجل، حاولى تحولى كل مهامك اليوميه لتمارين لحرق الكالوريز وبناء العضلات.

ابتسمى واضحكى كتير:
تعرفى ان كل ما تتضحكى كل ما حتقللى من الضغوط النفسيه اللى بتزود من الوزن وتخلكى عايزة تأكل سكريات وكربوهيدات أكتر، الجسم بيفرز جلوكوز لما تكونى تحت ضغوط نفسيه، والجلوكوز الزياده ده بيزود من افراز الأنسولين، وبعدين الأنسولين بيحول الجلوكوز لدهون مخزنه.

اوعى توزنى نفسك كتير:
أحسن طريقه تعرفى بيها انك ماشيه صح فى الدايت والتمارين، أنك تلاقى لبسك بقى واسع عليك وجسمك بقى رشيق اكتر.

أوعى تقارنى نفسك بأى حد تانى:
أحسن حاجه انك ماتقارنيش نفسك بأى حد تانى، لأن كل واحده مختلفه عن التانيه، المهم انك تركزى على احساسك وتقدمك انت شخصياً.

مارسى اى رياضه انت بتحبيها:
زى المشى او السباحه او العجل او اليوجا: كل دول ممكن تساعدك فى تزويد ضربات قلبك وتخليكى رشيقه، مش لازم تروحى الجيم ممكن تمارسى اى رياضه المهم انك تتحركى.

غيرى اللايف استايل بتاعتك للأحسن:
أنتِ مش بتعملى دايت/رجيم قاسى وتمارين شديده لفتره وترجعى تانى لحياتك القديمه، أنت عايزة حياة صحيه علشان كده انت حتوازنى بين الرجيم الصحى وتمارين مناسبه لصحتك.



رد مع اقتباس
إضافة رد

مواقع النشر (المفضلة)


جديد مواضيع قسم منتدى الريجيم الصحي ونصائح الخبراء
أدوات الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
نصائح غذائية مجربة للحصول على جسم رشيق في رمضان وليدالحمداني منتدى الريجيم الصحي ونصائح الخبراء 0 November 4, 2016 08:55 PM
قائمه بالمواد الغذائيه الاكثر صحيه ؛ نصائح طبيه لحياة اكثر صحيه ؛ مواد غذائيه صحيه » ملاك « منتدى الطب التشخيص والعلاج ودليل الادوية منافعها واضرارها 4 June 13, 2015 04:38 AM
نصائح للحصول على أسنان جميلة , إرشادات للحصول على اسنان جميله , كيف تحصل على اسنان جم ! سمو الإحساس ! منتدى الطب التشخيص والعلاج ودليل الادوية منافعها واضرارها 2 June 9, 2015 02:02 PM
9 نصائح من خبراء التغذيه , رجيم صحي , ماذا يأكل خبراء التغذيه , حميه صحيه , سمنه , صح فرحة عمري منتدى الريجيم الصحي ونصائح الخبراء 6 March 13, 2014 02:33 AM
خطوات للتمتع بجسم رشيق - خطوات للرشاقة - رشاقة الجسم ! سمو الإحساس ! منتدى الريجيم الصحي ونصائح الخبراء 9 January 22, 2013 03:21 PM


الساعة الآن 07:15 AM.


Powered by vBulletin® Version 3.8.8, Copyright ©2000 - 2017, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في منتديات ستوب لاتُعبر بالضرورة عن رأي ستوب ويتحمل صاحب المشاركه كامل المسؤوليه عن اي مخالفه او انتهاك لحقوق الغير