متى اشوفــك بـــاضـمك بــالاحضــان

بـــالزين يــــاهـلا والفين مـــرحــب
يسعد مــســاك يـــــاقــرة الاعيــــــــان
يــــامن توليت عـــالعقل والـقـــلــب
مــسـكنك روحي وداخــل الــوجــــدان
متى نلتقــي ونشعل شــمعــة الحــب
متى اشوفــك بـــاضـمك بــالاحضــان
بسعد بلقياك وشوفك انـا يـــامحــب
لازاد حنينــي تثور عندي الاشـــجـان
ابيـَََـت سهــران وللصـبـح اتــرقــب
اتذكــر هوانــــا وانســـى الاحـــــــزان
ماحد يكــدر عليـنـا نـشـوة الــحــب
ولا يدخـل بيننا حــاســد ولا فـتــــان

=--.....--=



أشُوفِكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم وردي .. لا تصحيني
تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني
أنامْ شلونْ ومشكلتي عِجزتْ ألقى لَهَا تدبير
طِلَبتْ النُومْ .. لحظاته وعيَّا النُوم يعطيني
تغيَّر وجْهَي .. مِنْ أوَّل غيابكْ وإبْتِدَى التأثير


=--.....--=



عيونك اخر امالى وليلى اطول من اليم
كيف القاك الا من عذب يوصف دافى احساسى
عشقتك قبل ما اشوفك وشفتك صرت كلى حلم
ابى رمشك يغطينى و ابيك اقرب من انفاسى
يهمك تعرفى انك قتلتى فى سنينى الهم
قتلنى ضحكك وجدك قتلنى لينك القاسى
رميت اقدارى فى دربك وصرتى فى عروقى الدم
احبك كثر ما سالت دموع وما نسى ناسى
يجول الحزن فى ضلوعى بردت وذاب فينى العظم
كثير من الحطب حولى وعندك انكسر فاسى
سألتك بالذى زانك تحبى فينى حتى الظلم
تحبى عيوبى وغدرى تحبى المر فى كاسى
انا كثر ما أحبك ابيك كثر رمل اليم
و ابيك تكون فوق الناس و ابى ما ينحنى راسى

=--.....--=



أعرف إنك ماتصدق بس والله فوق والله
والله انه راح مني ] نصف عمري [ في غيابك !!
وأعرف اني شلت همي تاركــ(ن) حبي على الله ..
كني أبعد من نجوم الليل وأقرب من x ثيــابــــــــكـ x
ياعساكـ وياعساني وياعسانا ...... ويا عسى الله !
ياعسى الدنيا تموت ومايعيش إلا تــــــرااابــــك
ياأحبك وأعشقك وأهواك .... ولا يفتح الله
ماتعودت أفخر بإحساسي إلا تحت بابكـ !
إيه أحبكـ والقضيه واضحه والشاهد الله ..
يطرد المظلوم خصمه وأنت خصمي ياهلابك !
ياهلا بك يوم تجرح خافقي ويسامح الله ..
ياهلا بك يوم تلحق غيمتي !! وألحق سرابك !!
جابك الله في حياتي ياحياتي جابك الله ..
ليش ؟ مدري ..
وين ؟ مدري ..
كيف ؟ مدري ..
بس جابك ...
كل ماقلت ابتدينا في المحبه قلت يالله !!
(( مثل ماأحسب حسابي في هواك احسب حسابك ))
ماطلبت المستحيل ولا رجيتك شي لله ..
ماطلبتكـ أرتفع من حجرتي واسكن سحابك ..؟؟
يصرخ القلب المعذب يالمعذب "وكل الله"
رحت شي .. وجيت شي "مختلف" ياحسبك الله ..
تصدق اني مابغيت اجلس مع حضرة جنابكـ
غير (ذاك الزمان) ويازماني منك لله !!
ليش ماغيرت في شي يوم اني أهابك ؟؟؟؟
ليش مايعطف حنانك علي وتوحد الله ؟؟؟؟
يعرفون انكـ سؤال ويعرفون اني جوابك !
ويعرفون اني حلفت ولااعرف [ أغلى من الله ]
والله انه راح مني نصف عمري في غيابك
وإن بغيت اشكي قلت الشكوى على الله


=--.....--=



لا والذي صورك ما لاق للعين
غيرك ولا سوى بي أحد سواتك
أنت الذي حطيت بالجوف رمحين
رمح العيون ورمح وردي شفاتك
و أنت الذي زينت يا غاية الزين
حياتي اللي نورها من حياتك
احب فيك الحب يا جامع اثنين
الزين وطبوع تكمل حلاتك
و أحب فيك العطف واللطف واللين
و أحب فيك رضاك عقب زعلاتك
و أحب هاك الجيد بين الجديلين
و أحب ما تخفية طرقة غطاتك
يا جارح المجروح لا تودع البين
يقضي على بغيبتك وسفراتك
=--.....--=



على طاريكْ كِلْ لحظه .. ولا أحتاج للتذكير
حَريصْ القلب ما ينسَى عيونِكْ , لا توصيني
مَحَدْ يِقْدَر يعَوِّضْنِي لأنِّكْ .. في عيُوني غير
ومَهْمَا شِفتْ أنا الفرحَه .. بدونِكْ ما تسليني
وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني
مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني
مِثلْ طيرٍ كِسَرْ بُعْدِكْ جَناحَه وما قِدَرتْ اطير
أحَاولْ أبْتِسِمْ وأنْسَى ولكنْ وشْ ينسيني..؟!