الحلــقة الثالثة من يوميات عضو

^كــاتم أســرار^ · 03-09-2006, 04:08 AM

[frame="2 80"]
ملاحظة : هذه الحلقة لاتشير بأي شكل من الأشكال إلى عضو أو مشرف وإنما هي مجرد

حدث قد يقع في أي منتدى وأتمنى من الله العلي القدير أن لايحدث بمنتدانا وأن تكون هذه

الحلقة بمثابة التوجيه والأرشاد

أخوكم كاتم أسرار
________________________________________

مرسال: هلا أبو البنات

أبوالبنات: هلا فيك والله

مرسال: هاه وش سويت عساك حصلت أحد

أبوالبنات: والله مانفعت الصيغة اللي كتبتها

مرسال: أفا ليش ؟؟

أبوالبنات: ماأدري أرسلت لها وإلا الآن أنتظر ولا ردت علي شكل الحظ زفت

مرسال: أصبر أنت لاتستعجل هذولا البنات يسوون ثقل شوي

أبوالبنات :أي ثقل الحين لي أسبوع مرسل ولا ردت

مرسال: ياشيخ باين عليها تقبل الرسايل شف توقيعه واضح

أبوالبنات: طيب وش أسوي ماردت علي شكلي أبدور غيرها

مرسال: والله بكيفك أنا أشوف إنها مناسبة لك

أبوالبنات: لا خلاص مليت أبدور غيرها

مرسال: طيب وش رايك بهذيك اللي ردت على موضوعك برومنسيه شكلها شي

أبوالبنات: مين تقصد

مرسال :انت عارف من أقصد هذيك لو ترسل لها الرقم على طول تقبل مو الأيميل

أبوالبنات: بالله عليك تتكلم من جد

مرسال :ايه أجل الخبره وين راحت بس إنبته لاتتهور وترسل الرقم أكل العنب حبه حبه ياشاطر.

أبوالبنات: خلاص أبجرب وأشوف

مرسال : خلاص لمن تضبط الأمور دق علي أنتظرك

* والله وأخونا أبوالبنات يرسل لها رسالة كلها غرام وشوق ويجيك الرد ....

البنات : عيب عليك ماتستحي على وجهك قسم بالله لو ترسل لي مره ثانية إن تشوف شي مايسرك وأفضحك بالمنتدى

*وطبعا أبو البنات حط رجله وعلى طول إتصل بالمنسق حقه مرسال

أبوالبنات : ألو مرسال ياشيخ شرشحتني

مرسال : عادي وإذا كان وش راح يصير بدل الوحده ميه شوف أنا عندي خطه

أبو البنات : ايش الخطه

مرسال : عطني الباسوورد بسرعة

أبو البنات : باسوورد ايش

مرسال : حق دخولك للمنتدى

أبو البنات : ليش طيب ممكن أعرف

مرسال : يوه أنت ماتبغى تتعرف

أبوالبنات : إلا

مرسال : خلاص أجل لاتتكلم

أبو البنات : طيب خذ555544

* ويجيك مرسال ويلف المنتدى كله وينشل له على ذاك الأسم اللي يجرعلى الوجه ويرسل لها ذيك الرسالة الغرامية

وتقبل البنت وتضيفه

مرسال : هلا فيك أختي ( على أساس أخلاق )

فاتنة الرجال : هلا والله وغلا فيك

مرسال : ممكن نتعرف

فاتنة : أكيد عيوني وليش لا

مرسال : أنا بصراحة أول مرة أتعرف على بنت

فاتنة : وحتى أنا بعد بس على فكره أنا معجبه فيك من زمان

مرسال : صحيح

فاتنة : أكيد اسمك حلو أبو البنات

مرسال : ايه أصلا الأسم هذا مشهور فيه بكل المنتديات بس ترى ماأعطي البنات وجه

فاتنة : صحيح

مرسال : أكيد

فاتنة : طيب ايش معنى أنا

مرسال : أنت غير الناس أحسك تعرفين معنى الحب

فاتنة : سكلا

مرسال : ياربي على سكلا طالعة من فمك زي الحلاوه

فاتنة : أعجبتك أجل

مرسال : أكيد أعجبتني

فاتنة : أجل كيف لو تسمعها من صوتي

مرسال : كان يغمى علي على طول

فاتنة : طيب ايش المانع

مرسال : أنت من جدك تتكلمين

فاتنة : ايه أنا أرتحت لك وحبيتك

مرسال : طيب يالله الآن أسمع صوتك

فاتنة : بس عندي مشكلة

مرسال : ايش المشكلة أنا أحلها لك على طول ( صاير حلال مشاكل )

فاتنة : جوالي يبغى شحن علشان راح يفصل

مرسال : من عيوني الثنتين تامرين أمر أعطيني رقمك

*طبعا مرسال جحد أبو البنات يوم شاف البنت تعرفت عليه وأرسل لها البطاقة

دق مرسال على الرقم والحب المنتظر

مرسال : ألو

فاتنة : فاتنة طبعا ساكته على أساس مستحية

مرسال تكلمي عيوني

فاتنة : مازلت ساكته

مرسال : كل هذا حيا صدقيني أنا أحبك

فاتنة : حبتك القراده بلا أنا رجال ياغبي ..

مرسال : أيش

فاتنة : مثل ماقلت ياغبي علشان ماتضحك على بنات الناس ياقليل الأدب مسوي حبيب هاه

مرسال : وطرخ بالسماعة

وبسرعة يدق على أبو البنات

مرسال : الو

أبو البنات : هلا هاه وش صار معك

مرسال : أنا بصراحة ماأعجبتني

أبو البنات : ليش ايش فيها

مرسال : شوف أنا راح أعطيك الأيميل حقها وأنت أضفها

أبو البنات : لا أستحي

مرسال : شوف صدقني راح تتعرف على طول

أبوالبنات : طيب أنت شبكها بالأيميل حقي وبعدين أخش وأتكلم معها أنا

مرسال :لا أنا خلاص مليت من إزعاج البنات

أبو البنات : طيب وأنا

مرسال : أنت دبر حالك وياليت ترسل على فاتنة تراها على طول تقبل وصدقني راح تكلمك بنفس اليوم بس خل معك فلوس ..

أنتظر زيارتكم في الحلقة القادمة

(شكر خاص للأخت نورمن لمساعدتي في تقديم الحلقة بشكل أفضل من خلال الرسومات )

[/frame]

مميزهـ · 03-09-2006, 04:27 AM

هلا وغلا

بالسيرة الحلوة ,,

مش حلوه حلوه ههههههههه

بس ضحكت عليها

لأنها واقعية

والي كثير نسمع عنها ،،

بصراحه صارت وااااجد

وكثير انلعب على ناس ،،

بها الطريقه وغير وغير

ننتظر الجزء القادم ،،

ويسلمو نورمن وكتوم

^كــاتم أســرار^ · 03-09-2006, 04:37 AM

الله يسلمك أختي مميزه ومشكوره على تواصلك

كاتم أسرار

البتار · 03-09-2006, 04:39 AM

يعطيك العافية أخوي كاتم

والله شيء يضحك

البــتـــــــار

هنـــــد · 03-09-2006, 08:37 AM

والله القصه ذي تقريباً واقع تصير بكل المنتديات

تسلم اخوي كاتم والله يعطيك الف عافيه وارق التحايا اقدمها للغاليه نورمن

انشودة المطر · 03-09-2006, 10:59 AM

يعطيك العافيه اخى كاتم على اليوميات بالفعل هذا الحاصل فى المنتديات للاسف بارك الله فيك

يسلمواأختي نورمن يعطيكِ العافيه

تحياتى

بنت مسقط · 03-09-2006, 01:49 PM

يعطيك العافية أخوي كاتم

دمعة سجين · 03-09-2006, 03:09 PM

[glow=333333]رائع ياكاتم بارك الله فيك
صراحة واقعية جدااا[/glow]

ملاك · 03-09-2006, 03:19 PM

جبتها على الجرح يا استاذي

فعلا هذا حال الكثير من المنتديات ولا يكاد يخلو منتدى من مثل هذه السخافات

سلمت لنا وسلم قلمك

في انتظار جديدك

أطيب التحايا

مـــــــــــــــــــــلاك