يا ريت تساعدوني واتمنى الردود من الجميع وخصوصا اللي مجربين

بسم الله الرحمن الرحيم
انا امراة متزوجة تقريبا من تلت سنين
ولهلق ما حملت
بس انا اول ما تزوجت اخدت مانع حمل ديان لتلت شهور وبعد ما تركتو بشي اربع شهور تاخرت عليي الدورة مع انو انا دورتي بتتاخر احيانا يومين او هيك شي
يعني منتظمة بس مو مية بالمية
المهم ما خطرلي شي مع انو بزكر مرة دخت دوخة مو طبيعية لان شربت اركيلة ومالي بالعادة دوخ بس بصراحة ما خطرلي انو في حمل او شي
بعدا بيومين قمت عزلت البيت وصرت شد ونضف وتعبت كتير كتير
ما في يومين اجتني الدورة وعادي وباليوم الخامس من الدورة صرت لاحظ انو كتير كتيرة وما عم تخف يعني بالعكس
ام طلع انو صار معي نزيف
ورحت للدكتورة والتلي انو يمكن تكوني حامل وروحتيه
بعدين هالحكي الو سنتين وما عم احمل
مع انو ديما بفحص الاباضة وبتالي الدكتورة انو اباضتي كويسة وزوجي حلل اكتر من مرة وما فيو شي
والتلي دكتورتي انو لازم اعمل صورة ظليلية مشان تشوف اذا الابواق مسدودين وهالحكي من اكتر من سنة التلي ياه
وانا عم اجل بهالصورة لان سمعت عنا انو مؤلمة كتير
بئا بتمنى تشرحولي اكتر عن الصورة وخصوصا اللي مجربا وعاملا
وكمان تاولولي وقت صار معي النزيف اذا ما كان حمل فشو معقول يكون
لان لما بقلا لدكتوري انو شو كان ممكن يكون اذا ما كان حمل ما بتجاوبني
معناتا ما عندا اجابة
واسفة كتير لان طولت عليكن
وشكرا كتير الكن
بتمنى تجاوبوني وما تهملو موضوعي