عيش أحمر مع حشو الفطر لذيذ وسهل وسريع بالخطوات

الفـارســـه · 07-14-2008, 06:14 PM

عيش أحمر مع حشو الفطر لذيذ وسهل وسريع بالخطوات

المقادير:
-بصل مفروم.
-فلفل أخضر مفروم.
-معجون طماطم.
-فلفل حار.
-ثوم مدقوق.
-مكعب ماجي.
-بهارات حسب الرغبة.

حشو الفطر :
-فطر.
-بصل مفروم خشن.
-البهارات:ملح وفلفل اسود ولومي مطحون.

الطريقة:

1- طبعاً اول خطوة راح انييب الجدر ونحط فيه الزيت وننطره لما يسخن ونحط البصل المفروم ونحمس لحد ما يتحمر بعدين نضيف الفلفل الأخضر ونحمس ونضيف معجون الطماط مع الثوم والبهارات والمكعب الماجي بعد ما نحمس عدل نضيف الماي وننطره لما يغلي ونحط الفلفل الحار.
2- طبعا نكون مغسلين العيش ومنقعينه اذا بماي بارد نص ساعة واذا ماي حار 10 دقايق ونضيف العيش ونخليه على نار عاليه لما ينشف نص الماي ونحرك بحذر ونخليه على نار هادية لحد ما يستوي.

3- الحين نسوي الحشو نحط البصل بدون دهن ولاشي ونخليه لحد ما يلصق بالمقلى ونبخ ماي ونحرك لما يصير لونه بني بعدين نضيف اشويه زيت ونحرك ونضيف المشروم ونحمس ونضيف بهاراتنا ونحطه الحشو فوق العيش

4- اخر خطوة ننجب العيش ونحط فوقه الحشو والفلفل الحار على جنب راح يكون ذايب طبعاً ووايد لذيذ مع العيش.

وفيه العافيه

ملوك مهدى · 07-25-2008, 02:36 AM

السلام عليكم ورحمة الله وبركاته

جزاكِ الله خيراً ؛ أختى الفاضله الفارسه أسعدكِ الله فى الدُنيا والآخرة

سلمت يداكِ ، وصفه كتير شهيه و بتفتح النفس يممممم يممممييييييي

نفع الله به ، وجعله فى ميزان حسناتكِ

مع أطيب التحيه لك

.. أختك فى الله ..

الفـارســـه · 07-30-2008, 01:14 AM

بارك الله فيك اختي ملوك على مرورك وتشجيعك لاخلا ولاعدم منه

البتار · 08-04-2008, 08:15 PM

الله يعطيك العافية أختي الفارسة

البتار

الفـارســـه · 08-04-2008, 10:03 PM

يعافيك اخوي البتار شاكره مرورؤك

دره الشرق · 08-10-2008, 02:24 AM

الغريبة · 08-17-2008, 11:07 AM

أدوات الموضوع
مشاهدة صفحة طباعة الموضوع أرسل هذا الموضوع إلى صديق

عيش أحمر مع حشو الفطر لذيذ وسهل وسريع بالخطوات

منتدى الأطباق الساخنة