|
|
|
منتديات | العاب | اخبار | العاب بنات | تحميل صور | دليل | دردشة | دليل | ابتسامات | الاعلانات | Directory | sitemap |
|
|
 |
|
 |
 |
 |
 |
 |
|
 |
 |
 |
 |
 |
 |
 |
|
|||||||
| التسجيل | التعليمـــات | قائمة الأعضاء | التقويم | اجعل كافة المشاركات مقروءة |
| منتديات القصص الطويلة والقصيرة قصص و روايات يختص بالقصص و الروايات الرومانسية و الخيالية و الطويلة الحزينة و الشعبية و غيرها من القصص و الروايات |
 |
|
|
LinkBack | أدوات الموضوع |
01-16-2004, 03:38 PM
|
رقم المشاركة : 1 | |
|
صدمة الحب
بكت حروف الشعر قصه حزينه ** حكايه الدمعه من اجمل خلايق
ورده جنت من زينها كل شـــينه ** من شافها ولع خفوقه حرايــق صــدمــــه الحــــــــــب كنت رايحه انا واهلي لمكه لأداء العمره بالباص وبالصدفه التقينا مع ناس من قرايبنا ( طبعاً من بعيد ) و أنا ما أعرف إلا بنت من بناتهم وعلاقتي معاها أقدر أقول أقل من سطحيه ( صفر برى الهامش ) وكان اللي معاهم ولدهم سعود بصراحه انا ما عرفته .. وانا الحمدلله اعرف ربي زين وكنت من النوع اللي البس عباية راس واغطي عيوني.. واناكنت اسمع بهذا الولد بس ما اعرفه واول مره اسمع بأسمه وكل اللي اعرفه اني اكبر منه بعد . هو عرفني يوم شافني بالعباه .. ويوم شافني وعرفني.. سبحان الله تذكر أيام الطفوله.. و عجبته بستري .. ووو .. كان بمكه يحاول يسلم ولا يتلصق اذا كنت طالعه مع أخوي ولا أختي بس انا ما كنت اعطيه وجه . وما أحب أخذ واعطي مع غريب ( لأني أول مره أشوفه بذي الرحله ). و ما يدري وشو يسوي بس يبي يتقرب مني بأي طريقه . بعد ما أدينا مناسك العمره( والحمدلله ) رجعنا للأحساء .. وبدأت العزايم من أبوي و من أبوسعود .. كل يوم أربعاء و خميس وكانو يجون خواته عندنا .. ومن هنا بدأت علاقتي فيهم أنا كنت أجهل أن أخوهم( سعود ) يبغاني .. وكانو يحاولون يتعرفون علي بأي طريقه .. ما كنت ادري ان فيه هدف من تمصلحهم وتلصقهم بي ( مثل الغبيه ما كنت ادري وش السالفه ) طبعا كنت معاهم عادي سوالف وكلام بنات بس بشكل سطحي .. يعني ما كانت علاقتي بهم قويه الى درجه الصداقه .. الا وحده من خواته وأسمها( وصايف ) هي اللي تمكنت من كسبي بشكل وبنسبة 100%.. كانت تعرف شلون تتصرف معي وتكسبني .. وعرفت وش هي نقاط ضعفي وقوتي وكل شيء فيني .. لأني من النوع اللي أقابل الصدق بصدق والحب بكل حب و بساطه وبنية طيبه.. كانت كل يوم تكلمني بالتلفون و تسولف بالساعات وكانت تقولي يا منيره والله انك قريبه من قلبي حتى اكثر من خواتي .. كانت تشكي لي همومها و تعلمني عن كل شيء صار لها بحياتها.. فكنت احاول اهون عليها بالكلام والدعاء.. واحيانا اقولها مشكله قدر مريت فيها حتى تهون عليها مصيبتها.. كانت تجي يوميا عندي بحجه تبي نبقى أعز صديقات وخوات.. وخاصة أننا من نفس العائله .. مع انهم ساكنين في منطقه بعيده عنا. وكان اللي يجيبها ويوديها( سعود ) كانت تقولي عنه كل شيء.. لدرجة اني بيوم بيني وبين نفسي قلت (الله يا منيره لو يصير ذا الآدمي اللي ما فيه زيه زوجك ..) و بعدها قفلت على الموضوع ولا فكرت فيه (مجرد حلم بس ) كانت وصايف ما تعرف شي بالكمبيوتر ..اما انا الحمد لله كنت متمكنه من الكمبيوتر وعندي دورات .. وفي يوم كنا نسولف على التلفون .. منيره : اقول وش رايك اعلمك على الكمبيوتر وصايف : وش دعوه تتمسخرين علي منيره : والله اتكلم من جد وبعدين مهو معقد لذيك الدرجه وصايف : بس احس انه صعب واكيد ما بعرف منيره : يه .. طيب حاولي اول وبعدين احكمي .. وصايف : بس ما ودي اتعبك .. منيره : يوووووووه وش ذا الكلام .. تعبك راحه حبيبتي .. وصايف : اممممممم اوك اللي تشوفينه منيره : اوكي |
|
    
|
|
01-16-2004, 03:38 PM
|
رقم المشاركة : 2 | |
|
|
صرت اعلمها كل شي في الكمبيوتر وكانت تجيب المعالج حقها وانزل لها برامج وصارت ما شاء الله تعرف كل شي ..
بعدها .. عطتني إيميل قالت لي ذا إيميلي وأبيك تفتحينه اليوم وبكلمك فيه ( أنا على نياتي وقلت لها سمعا وطاعه ) اخذت الايميل واضفتها.. وبعد ما عطتني ايميلها الجديد بيوم دقت علي .. وصايف : الو منيره كيف حالك منيره : الحمدلله بخير , شخبارك انتي وصايف : طيبه .. وبلا ما يكثر كلامنا قومي افتحي الماسنجر الحين .. منيره : ليه وش فيه .. وصايف : افتحيه ابيك بموضوع مهم .. بسرعه . قمت فتحت الماسنجر اشوف وش سالفتها كانت هي الوحيده اللي اون لاين ذاك الوقت وكانت حاطه النك حقها نفس اسمها (( ~وصايف~ )) وعلى طول ما امداني اسوي شي الا .. ~وصايف~ : السلام عليكم حبيبتي منيره : هلا وغلا وعليكم السلام والرحمه والله خوفتيني وش فيك .. ~وصايف~ : ابد ما فيني شي بس حبيت اسولف معك منيره : وش دعوه والله طيحتي قلبي .. كنا نسولف على التلفون احسن وش بيصير ~وصايف~ :اممممم كله واحد الماسنجر والتلفون .. ومو مشكله ما صار شي منيره : اوك .. ما صار شي ما صار شي يالله .. ~وصايف~ : اممممممممم اقول منيره منيره : هلا ~وصايف~ : ابي اسألك سؤال ؟؟ منيره : اسألي حبيبتي .. ~وصايف~ : من هي البنت اللي تحسينها تصلح زوجه لأخوي سعود ؟ منيره : ليه هو يبي يتزوج؟؟ ~وصايف~ : إيه بيتزوج بس قاعدين ندور له منيره :اممممم وش رايك في دلال أحسها مناسبه له مره.. ~وصايف~ : (وبأسلوب غضب ) لا ما بقى الا هي .. طيب ما ترشحين لنا بنت ثانيه.. منيره : وشو المواصفات اللي تبونها في البنت أو هو يبيها بالبنت ~وصايف~ : يبيها اخوي كذا وكذا وكذا ( قامت تسرد جميع مواصفاتي بشكل اني انهبلت وانصدمت ) منيره : (وبكل مزح وبدافع الأخوه والصداقه اللي بيننا ) هذي انا هههههههههههههه ~وصايف~ : بقولك شيء ولا تزعلين منيره : يووووووووووه .. مستحيل أزعل عليك وانتي مني وفيني ما فيه زعل بين الخوات . ~وصايف~ : انا مو ((وصايف)) .. منيره : أجل من أنتي ؟ |
|
|
|
|
01-16-2004, 03:39 PM
|
رقم المشاركة : 3 | |
|
|
~وصايف~ : انا مو ((وصايف)) ..
منيره : أجل من أنتي ؟ ~وصايف~ : أنا سعود وكنت أبي أختبرك وأشوف وش كلامك ووشو طريقتك و و و والصراحه أنا موصي أختي تسوي كذا مو لأني ما أثق فيك لأ لأني أحبك . وانا حاطك براسي من يوم كنت بـثاني متوسط يوم حضروا أهلي زواج أخوك وانبسطوا عليك وعلى كل شيء فيك ، تكلموا فيك ومدحوك قدامي .. ومن لحظتها وانا أرسم حولك الأهداف.. بعد ما وصلت الثانويه صرحت بمشاعري لأختي اللي أكبر مني وقلت لها اني احبك بس ما أيدتني لأني أكبر منك بس بـ 7 شهور بعدها تحطمت وكتمت مشاعري وخليتها بيني وبين نفسي . والحين انا ابيك وابي اوقف بوجه الكل بس عشان اتزوجك .. وما يضيع حبي بالهوا .. لانك انتي اللي ملكتي قلبي وما أرضى غيرك ابد منيره : ههههههههههههههههه أقول بس اتركي عنك الخرابيط و تكلمي زين ~وصايف~ : اقسم بالله اني سعود منيره : ( بعد ما توقفت عن الكتابه لفتره ) ذا الكلام مو تقوله لي قله للناس المسؤله عني وعنك أنا ما فيه يدي شيء والكلام ذا للأهل مو لي والله يكتب اللي فيه الخير.. *** وبعدها طلعت ولا دخلت الماسنجر الا بعد أسبوع.. لكن وصايف كانت تكلمني يوميا وتعتذر لي عن هذا الموقف وبالعكس كنت اقولها انا مو زعلانه وعجبتني فيه الصراحه .. كانت تبي تخلينا قصه حب بأي طريقه رغم انهم ملتزمين بدرجه كبيره وكان تصرف ساره مفاجيء لي بعد فتره بسيطه كلمتني .. وقالت لي يا منيره ابيك تفكرين في موضوع زواجك من اخوي و استخيري .. ترى أخوي واحنا كلنا شارينك وشوفي وش ربي يهديك له و قولي لي بدون ما تجاملين رديت عليها .. الله يكتب الخير.. ( بعدها فكرت و استخرت 3 مرات وكل مره أرتاح أكثر للآدمي لدرجه الجنون) كنت أحاول أخلي عقلي يتدخل قبل قلبي والحمدلله قدرت اسيطر على قلبي وكل ما سألتني وصايف عن رأيي في الموضوع حاولت أغيره وأقولها لما يكون رسمي أفضل زادت جيات وصايف لي لدرجة انها صارت تنام عندي وتتغدى عندي و تتعشى عندي .. ما تروح بيتهم الا الفجر وترجع لي العصر.. واهلها ما كانوا يخلونها تطلع لأحد غيري بس .. وفي يوم .. شريت طاوله جديده للكمبيوتر .. وحضرو العمال يركبونها ولا كان فيه أحد من الرجال بالبيت ما فيه الا الحريم وكانت وصايف عندي كالعاده ..قامت على طول كلمت اخوها سعود عشان يجي وهو ما صدق وعلى طول جا مثل الطلقه وقام يدخل الطاوله مع العمال .. وكل هذا صار بدون ما تستأذني ( من باب الحرص سوت كذا ).. ودخل لحد غرفت النوم حقي وصلحوا الطاوله.. وفي هذا الوقت .. دخل أخوي ومعه ولد خالتي وشافوه وصل لحد غرفت النوم وظنوا ان الرضى مني مو غصب عني بعد ما راح سعود ووصايف بيتهم بدأ التهزيء المتوالي من العائله الكريمه بإني مستهتره و أخلي ولد يدخل غرفتي و و و .. حاولت اني ادافع عن نفسي .. كل ما أقول لهم شيء سكتوني ولا خلوا لي فرصه بالكلام.. وقالوا لي قولي للبنت تخلي اخوها يوقف عند حده ولا لنا تصرف ثاني معاه ومع اهله .. بعد هالتهزيء رحت غرفتي .. و كلمت وصايف ووقتها كنت أصيح.. ماكنت أبي أهلي ياخذون مني موقف ولا تفكير إني ما أحسن التصرف .. فقلت لها لا تزعلين بس أهلي تضايقوا مره لما كان اخوك سعود بغرفتي لأن الصراحه ما كنت أسمح لزوج أختي أنه يعتبها.. فكيف أخلي أخوك يدخل .. اعذريني بس ما ابيك تسوينها ثانيه .. على الاقل كنتي تستأذنين مني .. انا ما ابي تصير سالفه بين اهلنا وحنا السبب .. وفي اليوم اللي بعده خطبوني رسمياً لسعود .. كلمتني وصايف وقالت أنهم كلموا أبوي وبيرد الخبر لهم قريب.. في اليوم الثاني جا أخوي لي وفاتحني بالموضوع وقال لي الولد روعه وخلق وأخلاق ما يحتاج وأهله والنعم وكل شيء فيهم ممتاز ولا ينعاب وأقولك ترى ما راح يتقدم لك واحد مثله وبمستواه وجد هو وظيفته مو رسميه بس جاته ألحين موافقه ورسميه بوظيفه دائمه بشركةبالدمام وهو بيحاول بعد يدور له على وظيفه ثانيه راتبها أقوى بس متى ما سهلت له الظروف .. جت امي عندي ونصحتني بالاستخاره وقالت لي نبي الرد بكره .. بصراحه كنت مستخيره لكني استخرت مره ثانيه .. وفي الصباح سألتني امي عن ردي .. وقلت لها اللي تشوفونه انا راضيه فيه .. في ذيك الليله .. اعلنت خطبتي على سعود . ومن هذا اليوم بدت اسطوره الحب اللي بيني انا وسعود تكبر وتكبر ... كان يحاول يكلمني بس انا كنت رافضه فكره اني اكلمه قبل الملكه .. فطلب سعود من امه واخواته ان يسألوا شيخ هل يجوز ان يكلمني بالتلفون ولا لا ؟ فكان رد الشيخ ( اذا اعلنتم الخطوبه فيجوز واذا لم يتم اعلانها فلا يجوز ) على طول كلم سعود امي وبارك لها على خطوبتنا .. وأستأذن من أمي وأبوي بالمكالمات وقال لهم رد الشيخ فوافقوا.. انا كنت مصممه على رفضي على اني ما اكلمه .. لكن اهلي كانوا يأيدون اني اكلمه بحجة رفع معنوياته و لا اخليه يحس بالوحده .. لأنه انتقل للدمام لعمله الجديد وكان يسكن بسكن الشركه و كثير من المشاكل اللي تواجهه هناك .. فكانو يبوني اكون قريبه منه و احسسه اني معاه وازيد من مثابرته للعمل .. أخذت بنصيحة امي وابوي ووافقت اني اكلمه .. بعد مرور عشر ايام على خطبتنا .. جا سعود عندنا وكلم ابوي وطلب منه ان يشوفني .. قاله ابوي هذا حقك .. وبالفعل شافني والحمد لله اقتنع بي أكثر وبدأ يتحمس للزواج أكثر وأكثر.. حددنا اليوم اللي يبون يجيبون الشبكه.. والحمد لله صار كل شيء أوكي.. وجابوا الشبكه وكانت نظرات اهله لي غريبه .. طلعوا من بيتنا.. من ذاك اليوم وبدأ التغير يطرأ على أقرب المقربين لي.. اللي هي وصايف .. صرت بالاسبوعين والثلاثه أسمع لها صوت ولا خبر كنت استحي ادق على بيتهم.. وكنت اقول لسعود خل ((وصايف)) تكلمني اشتقت لها .. وكانت قصه تجنبها لي وما عاد تبي تحتك فيني.. انها خايفه اني اتطلق لاقدر الله من اخوها وأقول هي السبب وتنبلش فينا !!! للأسف كان كذا تفكيرها.. |
|
|
|
|
01-16-2004, 03:43 PM
|
رقم المشاركة : 4 | |
|
|
في ذيك السنه قرر سعود انه يحج .. والحمدلله اتم فريضه الحج ..
وفي بدايه السنه تمت ملكتي من سعود والحمدلله .. وحددنا ان الزواج بعد شهر ونص من الملكه .. قضينا ايام من أجمل أيام العمر من كل النواحي .. كانو اهله يلحون علي بالاستعجال على اساس اني الحق على الزواج .. خلصت كل تجهيزاتي خلال شهر بس .. ووفرت لي مبلغ عشان يمكن احتاجه بعدين .. وفي اليوم اللي تحدد للزواج .. ما كان فيه أي رد منهم قام الوالد وسألهم فكان ردهم انهم اجلو العرس لمده ثلاث شهور .. وبعد انقضاء ثلاث شهور .. نفس الطريقه اخلفو بوعدهم .. قال الوالد : متى راح يكون العرس الناس اكلتنا بالكلام كل يوم نأجله .. وكان عذرهم ان الولد متردد يسكن بشقة في الاحساء ولا الدمام الطريقه أن بيخليني بشقه بالأحساء ويروح ويجي يوميا.. ( كان شغله بالشركه من الصباح ولا ينتهي الا قبل المغرب ) كلمت سعود وقلت له دام ان عند ابوك عماره هنا.. نستقر بمكان شغلك وننزل كل أسبوع الاحساء .. افضل من انك تمسك الخط كل يوم رايح جاي.. ما يسوى عليك ولا علي ذا الوضع.. وافق سعود على كلامي وبدأ بالشغل بالشقه على طول وكان كل يوم ينزل الأحساء ( يصيح زي البزر )يقعد عندي يشكي قلة الفلوس.. شفت الولد نفسيته تعبانه .. قررت اني اساعده.. واعطيته خمسه عشرألف ريال بقية مهري.. وقلت له ما بيننا حسابات واللي بجيبك هو بجيبي .. الغريب انه ما رفض عرضي بالعكس انبسط و استغل الفرصه وكل مره يصير كذا.. وكنت انا من حبي له وطيبتي أعطيه اللي يبي.. وبعد مرور اسبوعين تقريباً .. وكلمني وقال خلاص باخذك بعد اسبوع استعدي لا زواج ولا شيء.. لكن بنسوي لك حفله كبيره بعد شهر العسل او مع العيد.. قلت له.. اللي تشوفه انا موافقه عليه اهم شي اننا نكون مع بعض .. وجاء الاسبوع المرغوب وتم الحجز وكل شي .. وقبل الموعد بيوم دق علي وقال .. تأجل الاسبوع الجاي !! جا الاسبوع الثاني بعد كسرة خاطر لي وفشيله أهلي بعد ما عزمنا الناس ولكن .. وقبل الليله المرتقبه بيوم .. كلمت ام سعود .. وقالت نأجله ليومين بعد .. في ذيك اللحظه انا بصراحه تحطمت من جد .. كلمت سعود وقلتله ..اسمعني .. يا تاخذني بموعدنااللي اتفقنا عليه .. يا نشوف لنا حل ثاني.. ترى انا من جد ثمان شهور.. خلاص تعبت من الانتظار وكل يوم متأجل الزواج وهذا وهو ما فيه اي شيء لا عرس ولا .. خلاص .. شوف لك حل .. قال خلاص .. وتم الزواج واهل سعود معترضين على اليوم اللي اخذني فيه.. بس تقبلت وضعهم.. رحنا عندهم .. وتوقعت انهم راح يستقبلوني بترحيب لأني زوجه ولدهم اخر العنقود .. وصلنا عندهم الا كأن مات عليهم أحد..كانت جميع علامات عدم الرضا باينه على ملامحهم .. كنت اتمنى على الاقل يتظاهرون بالسعاده عشان ولدهم مو عشاني .. بعد ما سلمنا على اهله رحناالدمام بنفس الليله .. وبعدها بـ 10 أيام رجعنا للأحساء وجلسنا ببيت أهله 14 يوم .. كانو يعاملوني معامله سيئه للاسف .. طبعا كنت انام بالمجلس و على الأرض.. لا عندي غرفه خاصه ولا مكان خاص لملابسي.. حتى كانت ملابسي على الستاير تتعلق للأسف.. مااعترضت على شي وكله عشان سعود .. حتى من أول يوم وصلت فيه بيتهم دخلت المطبخ وطبخت وسويت علوم.. عشان أرفع راس زوجي واخليه يفتخر فيني واشرف اهلي بعد.. ويوم طبخت وجا وقت الغداء .. قالت ام سعود اليوم مو لازم تتغدين معانا.. روحي بيت اهلك وبكره بيجون العيال كلهم.. مره وحده تعالي ونكون مجتمعين .. انا انصدمت من طردتها لي.. لكن ما خذت بخاطري و قلت لسعود ودني بيت اهلي.. وعادي كل شيء كان طبيعي .. وثاني يوم جابت لي عده الحمام (الله يكرمكم) وأمرتني أغسله.. استغربت من طلبها.. بس قلت معذورين ما عندهم شغاله.. لكن اللي قاهرني ان عندهم ثلاث بنات.. وانا عروس ولي الكرامه ..وتوه ما مر اسبوعين من زواجي وهذا حالي.. ما تكلمت ولا تأذيت بالعكس .. كنت اضحك وابين لهم كل التقدير و الحب اللي ما أحد بالكون راح يتصوره.. كنت دايماً أقول لسعود .. والله اني أحب أمي (وكنت اقصد أمه ) وأحس استحي منها.. ولا ودي أضمها بقوه.. كان ينبسط على كلامي ويقول لي الله يعز مقامك يا(( أم متعب)) .. كنت أفرح لما يناديني كذا بلقبه.. لكن لما أفتح سيرة أطفال ولا متى ينوي ويفكر يصير أبو .. يتنرفز لدرجة الجنون ويهددني بأنه ياخذ ابره تمنعه عن الانجاب لمده سته شهور.. تحطمت نفسيتي من أسلوبه معي من هذي الناحيه.. وصبرت وسكت وقلت انشالله ربنا يهديه .. ويرجع سعود اللي اعرفه .. وبعد فتره .. بدأ يطمع بالهدايا اللي وصلت لي من اهلي اللي ما كانت قيمتها تقل عن خمسه عشر الف ريال ,وأهله ما أحد مد هدايا لي ولو بسيطه .. وقبل آخر يوم أشوفه فيه ممكن بأسبوع .. كنا بالدمام وشكى لي حاله(( كالعاده )) مع الفلوس .. وانه وده يخيط ملابس العيد ولا عنده.. ويبي اغراض و و و.. رحت وعطيته مبلغ وقدره(…) قلت له هذي هديه لك مني ملابس العيد ((مع ان المفروض هو اللي يكسيني و لكن)) .. هذي الاشياء غير الاثاث اللي دفعت معظمه من جيبي الخاص و ما يقارب ثلاث الاف بس للمطبخ غير الاشياء الثانيه من تحف وأكسسوارات للشقه..ولا فكر انه يدفع فيها هلله وحده .. كنت احاول اني ما اقصر معاه في أموري الزوجيه .. ولما اطلبه انه يراعيني في النواحي الزوجيه .. يزعل ويسب اللحظه اللي عرفني فيها وصرت زوجه له .. بدأ الولد تخف رجله عن المسجد وبدأ يهمل في دينه .. ولما أقوله روح صل كان يتنرفز ويتهاوش على أمور خياليه مالها اي دخل فينا .. لدرجة أني مرتين قلت له ترى حرام أعيش مع واحد ما يصلي .. انتبه الموت ما بيمهلك .. لازم تحرص على الصلاه.. كان نصحي له مثل الرصاصه المميته .. ما يتقبل شي اسمه النصيحه وخاصه في امور دينه للأسف .. بدأ يشرب دخان بشكل مو طبيعي.. لدرجة لما يقرب مني ما اقدر أتنفس من ريحته.. وأطلبه يحط له أي شيء تبعد ريحة ذا الدخان.. ولما اقوله أنت تدخن؟؟ يدعي انها من الشباب !! كنت اصدقه لأني ما أكذبه وأثق فيه .. كنت لما اقوله يساعدني بأي بشغل او اطلب منه شي يصارخ علي ويقول لي ..انا مو متزوج علشان اتعب انا متزوج عشان ارتاح .. وللاسف حتى ما عنده اسلوب في الكلام كان لاغي من قاموسه شي اسمه المدح ( بس معي ) لما اطبخ له واساله عجبك الأكل كان ما يرد ويحطمني بطريقه استفزازييه .. ماكنت اتضايق وكنت اضحك واخذ كلامه على انه دلع ومزح .. في رمضان كان يفطر ويطلع ما يرجع الا مع اذان الفجر وما يصلي ولا شي فكنت احاول اغيره و اعدل من تصرفاته.. بس كان يزعله الشيء هذا .. وفي احد الايام كان جالس ما في احسن منه قلتله ابي اقولك شي بس ارجوك ما تزعل ولا تتضايق .. قال ليش اتضايق انتي قولي بس وما عليك ..قلت له ترى لازم تهتم بصلاتك لأنها اهم من كل شي في هذي الدنيا ..ما خلصت كلامي الا طلع من البيت زعلان .. حاولت اتصل فيه .. لكن جواله مقفل .. وما رجع الا اليوم الثاني الساعه سبعه الصباح .. وفي ثمانيه وعشرين رمضان اتفقنا انا وهو نروح الاحساء الساعه ثلاث العصر.. وكان باقي شغل ما بعد خلصته في البيت .. فقلت له وش رايك نأجل الروحه لين بعد المغرب بس هذا كلمتي له ؛ والله ما بقت سبه ولا كلمه في قاموس الغباوه والوقاحه وقله التربيه ما انقالت لي .. وكانت كلمته لي .. دام انك منتي قد الزواج ما كان تزوجتيني ؟ رديت عليه (بعد صمت والدموع تتطاير من الخوف) انت خطبتني مو انا خطبتك .. وبعدين ما فيها شيء انك تروح ترتاح ونمشي بعد المغرب على الراحه.. طلع وقبل لا يطلع قال لي اذا بتظلين كذا خلك بيت أهلك.. بعد ما طلع قعدت ابكي بحرقه من معاملته لي وخوف من كلامه اللي قاله .. كلمت امي وقلت لها يمه تهاوشت مع سعود و قال لي كذا وكذا.. هل هو مطلقني الحين؟؟ قالت لي لا.. وبعدين قامت تهزئني وتقول.. ليه رديتي عليه.. فعصبت من جد وقفلت .. وكلمت خالتي استشيرها وشو اسوي وقالت لي عادي وخلك طبيعيه ووو.. فطرت وصليت المغرب لحالي.. وكلمته وقلت له وينك انا انتظرك خلصت اذا تبي نروح تعال لي .. نص ساعه وجا حاولت أكلمه ما كان يبي.. وحاولت اعتذر له رغم اني ما غلطت نفس الشيء ما يبي.. فخليته على راحته.. وصلنا الاحساء بسرعه البرق .. يمشي بأقصى سرعه في السياره .. وانا طول وقتي اتشهد .. وصلنا بيت اهله .. دخلت وسلمت ما احد رد على سلامي.. مديت يدي لوصايف ما مدت لي يمينها استغربت .. دورت سعود وكان بغرفه يشكيني لأخته.. اللي اعترضت على زواجنا.. بعدها طلع ولا كلمني ..كانو اهله كل ما اروح معاهم غيروا المكان.. ولما الحقهم يتضايقون ويغيرون المكان مره ثانيه بعد واستمريت على وضعي مع ناس تهرب مني بدون سبب ولا يكلموني.. كلمت سعود واستاذنت منه اني اروح بيت اهلي.. وقلت له بصراحه ناقصتني لوازم للعيد.. فقال انه رجع للدمام.. سالته عن السبب عساه خير..قام يسب وقال لي كلام قطع قلبي .. سكت له ولا رديت عليه.. اهم شيءانه موافق اني اروح بيت اهلي بس رحت ومن يومها ما شفته ابدا.. بيوم تسعه وعشرين رمضان كنت ادق وادق ولا يرد على موبايله .. جينا نبي نروح مشوار فقال لي ابوي لا تطلعين الا مستأذنه من زوجك كانت الساعه سته بعد المغرب حاولت اكلمه وبعد مده تنازل ورد علي كلمته وسالت عنه وعن حاله ما رد على سؤالي .. بس وافق اني اروح مع اهلي المشوار وكان ذا اليوم اخر يوم اسمع فيها صوته .. ادق على بيت اهله ما يردون علي ولما يردون يصرفوني ويقولون ما يدرون وينه .. حتى انه سافر للأسف من دون علمي لقطر.. واكتشفت ذا الشيء عن طريق الجوال ولا اعترضت ولا قلت شيء .. كل ما ادق عليه يقفل بوجهي ولا يرد علي ويقفل الجهاز بالمره .. وفي يوم كلمت امي ام سعود قالت أم سعود ..اني انا هاوشته وقلت له ما تسافر مع ربعك الا ورجلي على رجلك ( قامت تألف كلام من خيالها ) ..وقالت بصراحه ولدي استعجل بالزواج وهو باقي صغير .. ردت امي عليها( بكل قهر ) .. بنات الناس مو لعبه والولد مو صغير أمثاله كثار تزوجوا بذا السن.. لكن انتبهي لولدك.. كلمه اخوي الكبير وقاله .. وش فيك على البنت خير وش مسويه فيك ؟ قال.. اني ما اطبخ له ولا انظف الشقه واني لما يطلب مني شيء اقوله تعبانه ولما يكلمني بشيء نرفزت وقلت له ودني بيت اهلي ؟! (حتى هو قام يألف مثل امه والظاهر انها وراثه !!) واجهوني أهلي وسألوني وشو القصه.. وقلت لهم كل الكلام اللي عندي .. شافوا الكلام متناقض وحسوا ان القصه بدت تتعقد وفيها غش من اهله ومن الولد نفسه .. وبعد مرور فقط اسبوع على السالفه اللي صارت بين اهلي واهله ..طلقني بشهادةاثنين من رفقاء السوء اللي معاه بالدوام .. أعطاه الشيخ مهله للتراجع لمده يومين لكن للأسف ..طلقني بالثلاث والسبب مجهول.. يوم رحت اجيب اغراضي من شقته.. غير أقفال الأبواب وأخذ هو وأهله كل شيء علي شريته بفلوسي حتى صندوق الهدايا اللي أهداه لي اخذه.. و أمور كثيره خذوها من جد غاليه شريتها .. كلها راحت.. لكن والله ما همتني زي ما همتني نفسي الطيبه.. و خداعها وبيعتها برخص ونذاله واستحقار لي لهذي الدرجه.. سلب كل شيء مني.. كل شيء على الاطلاق وفي النهايه صار لا هو ولا أهله يبوني.. لكن .. الحمد لله أن ربي فكني منه قبل لا أصير أم من شخص ما يستحق تراب رجولي والحمد لله أنه طلع وانكشف هو وأهله على حقيقه كاذبه وهي الإدعاء بالدين.. وهم فقط مرآه وحسابهم عند ربي .. وحقي عند ربي محفوظ والله ينتقم منهم .. وأنا فقط مالي الا رغبه واحده فقط اني اكلم هذا الادمي وأطفي لهيب غضبي بمعرفة سبب طلاقي الحقيقي.. السبب اللي خلاه يبعني من اجله بهذي السهوله the end ... واااااااااااااااااااء واااااااااااااااااااااااااااااااااااااء منقوووووووووووول تحياتي مزوون |
|
|
|
|
01-16-2004, 04:08 PM
|
رقم المشاركة : 5 | |
|
|
قصة محزنه أختي سفيره ويرثى لحال هذه المسكينه ولكن كل شخص في الدنيا سوف يأخذ حقه أمام أعدل
العادلين ولكن هذه تصبر وتحتسب وإن شاء الله ربي يعوضها خير انسان أفضل منه يحبها ويحترمها ويخلص لها والله قادر على ذلك مع تحياتي كاتم أسرار |
|
|
|
|
01-16-2004, 05:27 PM
|
رقم المشاركة : 6 | |
|
|
صحححححححح اخوووووي كاتم ربي ما ينسا حد
تحياتي مزوون |
|
|
|
|
01-23-2004, 12:07 AM
|
رقم المشاركة : 7 | |
|
|
يسلمو
[grade="FF4500 FF6347"]اختي سفيرة الاما رات
يسلمو على هالقصه الجميله والله يكون في عون الجميع وتقبلي تحياتي اخوووووووووووووك...........يوسف[/grade] |
|
|
|
|
01-23-2004, 04:08 PM
|
رقم المشاركة : 8 | |
|
|
قصة مؤثرة جدا .. يعطيك الف عافية.. با نتظار جديدك
|
|
|
|
|
01-28-2004, 12:18 PM
|
رقم المشاركة : 9 | |
|
|
الله حسيبة
عزيزتي سفيرة الإمارات
قصة مؤلمة قطعت قلبي حسبه الله ونعم الوكيل. إنني ألوم هذا الشخص الذي تتدخل أمه وعائلته في حياته الزوجيه والخاصة الله يكون في عون تلك الفتاه التي خدعت بواحد لا يعي للأمور ولا يدرك أهمية التعامل مع الزوجه وماذا يعني كلمه زواج!!!!! اشواقي وتحياتي من قـــــــــدي،،،،،،،،،، |
|
|
|
|
01-29-2004, 12:17 AM
|
رقم المشاركة : 10 | |
|
|
يعطيج العافيه اختى على هالقصه
وكل شخص ياخذ حقه بهذى الدنيا فالصبر هو الوسيله الوحيده للجميع تسلمين والله على هالقصه المؤثر تمنياتى لج بالتوفيق اختج |
|
|
|
|
02-04-2004, 04:20 AM
|
رقم المشاركة : 11 | |
|
|
يوسف يسلمك ربي
نورمن تسلمين اختي لمرورج من قدي تسلم على مشاركتك ... وربي يصبرها كويتيه مشكوووره عنوني لمشاركتج ... ونفس ما قلتي كل شخص ياخذ حقه بي هالدنيا تحياتي مزوون |
|
|
|
|
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قالــــــــوا في الحب | بنت مسقط | المنتدى العام | 9 | 11-22-2006 09:50 AM |
| إيه هوا الحب يا ...... | ميمو | طاولة الحوار | 9 | 10-29-2006 05:45 PM |
| ماهو الحب | lovely | المنتدى العام | 8 | 10-26-2006 01:48 PM |
| الجزء الخامس من حياة مطشم يرويها ^كاتم اسرار^ | ^كــاتم أســرار^ | طرائف القصص | 36 | 10-08-2006 02:48 AM |
| فلسفتي في الحب وتعلم الانسانيه | يوسف | المنتدى العام | 14 | 12-11-2005 12:31 AM |
