غريبة قلبك العاشــق

شمالي الجوف

>>كـتابـية<<

غريبه قلبك العاشق قدر يازين ينساني = وانا اللي ماقدرت انسى خيالك يانظر عيني

خسارة جيت تهجرني بعد مازادت اشجاني = حقيقه ماتصورت بعد حبك تناسيني

تصورتك تحبيني ولا تقوين هجراني = وهبتك وصل من عندي وهجرانك وهبتيني

ياشوقي كل ماشوفك بخطواتك تعداني = لهيب الشوق ياقلبي بنار الشوق يرميني

حبيبي ليه ابي قربك وعلى بعدك تحداني = ولا ادري ليه تتغلى وقلبك ميتٍ فيني

انا والله حبيتك واعرف انك تمناني = ولا ادري ليه تهجرني وعلى وشو تعاديني

تعالي وجددي حبك مادام القلب يهواني = تعالي وانسي الماضي مادام انك تحبيني

تعالي ياهوى قلبي وهمي ولوعة جناني = خذيني دام حبيتك وبوسط القلب حطيني

انا والله حبيتك ولا عندي عشق ثاني = ترى والله مايصلح بعد هالحب تنسيني

تعالي واسمعي شوقي وحبي وكل وجداني = لعلك لاسمعتيها تعرفين وتوديني

تعالي دام حبيتك واعيش العمر وحداني = ابيه بعمري الباقي يعطر جوك سنيني

ياقلبي دام حبيتك غريبه كيف تنساني = تعالي كان مازلتي وسط قلبك تعزيني

ودمتـم


ملاحظه:
لســت بشــاعر ولكـن المشــاعر املت علي مايجب ان اكتـبه