خطط جهنميه اكشف المستور عند الرجال!!

مره ثانيه يا احلا بنات ابي اشارك معاكم في هالمشاركه الرائعة تخليج تعرفين مقدااار حبك عند زوجك التمساح


واتمنى من الجميع تطبيقها واعلامي بالنتيجه!!!

خطط لكشف الزوج(((للنساء فقط))))))

نصائح و خطط لكشف الازواج ومراقبه تحركاتهم عن قرب وعن بعد ايضا

عشر نصائح متتالية الآن نرسمها لكم هناحرصا على الزوج ولإبقاء الاسرة متكاتفه :

1- اذا رجع زوجك من الدوام تعبان وقال ابنام عطيني الغداء قدمي له الغداء وقولي طاري علي اليوم احمس قهوة وادقه بالهاون وخليك شغاله الى المغرب عشان تطير النومة وينام بالليل بكير ويصحى بكير ويوشوف الصحة شو بتصير

2- برمجي القنوات الفضائية على السودان الشارقة اليمن السعودية وخلي الباقي برقم سري ما يعرفه غيرك .

3- فيه مصيبه سوده اسمها الموبايل . وهو اكبر دليل على البلاوي الي تصير من وراك واول ما يدش الغرفة ويبدل ويطلع سيده على موبايله والمسج اللله يا هي بلاوي >>> الله يعينك على الصدمه

4- اذا دخل عليك في البيت وعيونه اول ما يدخل تلاقط وتحسين انه متدوده نطي على طول والمسي شعره من ورى كانة رطب ازنطيه على طول يبي يعترف انه متزوج.

5- اذا رجع متاخر بالليل ودخل الغرفه وفسخ الثوب على طول عيونك تروح لكتوفه وتطالعين فنيلته اذا شفتي حمرة على طول ابطحيه ارضا وتوطي بظهره لين يعترف حتى لو كانت بقعة دم توطي بظهره برضوه راح يعترف غصب .

6- اذا نام بكير بالليل وانتي ودك انه يسهر معك ولا عطاك وجه حطي على الجزيرة لين تطلع ايمان بالنور وارفعي الصوت يبي يطلع لك يقول ماجاني نوم وهو يعقب يبي يشوف ايمان بالنور على طول اقلبي على قناة السودان وركزي بالقناة >>>يتوهق البطل .

7- اذا لاحظتي قبل اسبوعين ان تعامله معاك صاير رقيق وطيب وقالك انه يبي يكشت له اسبوعين يتصيد خصوصا بالصيف تراه جمبازي كذاب يبي يروح لبيروت او المغرب حتى لو كان الجواز معاج عادي يطلع بدل فاقد .

8- اذا رجع بالليل ونام ولقاك ظهره ولا عطاك وجه بخي فليت بالغرفه قولي ان فيه باعوض وقفلي الغرفه عليه وكملي سهرتك عند التلفزيون .

9- اذا طلعتوا لسوق وشفتيه راسه كنه مروحة قعاديه يبص بص يمين ويسار فعرفي انه ما راح يرفض لك طلب اشتري لين تفضين رصيده .

10 – اذا ما طلقك زوجك خلال هذا كله فاعرفي انه يحبك ورجل صالح



الحديث والنصائح هذه ليست لتشكيك بين الرجل والزوجة ما عاذ الله
ولكن لأخذ الحيطة والحذر
مع خالص تمنياتي للجميع بالسعادة الأبديه!!!