قصائد رثاء بالشهيد سطام

مالك · 05-17-2004, 07:16 PM

السلام عليكم

اخواني واخواتي اعضاء زمرده

انقل لكم هذه القصائد برثاء شهيد الواجب الملازم اول سطام المطيري

ومهما قالو او كتبو لان يوفوه حقه 0

وقد كتب به الكثير من قصائد الرثاء وقد حصلت على ثلاث قصائد اكتبها لكم اليوم

وان شاء الله عند حصولي على اي قصيده سوف اكتبها بنفس الموضوع

اول القصائد هي قصيدة والده

[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
لولاي افكر يوم تطري الطواري = لغدي كما بناً على جمر فحام
يقطعك ياقلباً مع الهم جاري = يرده مواريداً توديه الأوهام
قلباً غدابي بين بايع وشاري = نوجاً يؤخرني ونوج إمش قدام
يالح قلبي يوم جيت الطواري = وشفت الرسوم اللي نجيها من العام
والله يالولا رد كثر المزاري = إني لصوت من شروره إلى الشام
واقول يالزراي مانته بداري = ولا أنته بقاري خاتمة غيب الأيام
والله لولا أمراً يجينا اجباري = أمراً يجي من عند غذاي الأيتام
لصيح صيحت واحداً ما يداري = وناطأ ليا قمنا على رؤوس الأقدام
بلاي ياغزاي سبع الغداري = ليا من كلاً عن طريق الهدى نام
مايوصلنه مبعدات المساري = ولا به مراسيل تجي عنه باعلام
ياعنك عن حقه ماهوب مترازي = ولا هوب ياكل حق غيره فالإسلام
عيداً لسمحات اللحى فالعساري = ويبكن سمحات اللحى عقب سطام
ويبكن عقبه لابسات الجزاري = ومحرماتاً عقه الزوج تحرام
قام بصحيح وقام معه المباري = وملهماً عقلاً يفك ابه الأحكام
مانيب إنا قلته هذا قول غاري = وكلاً ينادي به على رؤوس الأقلام
ولاني بقول الناس غيره حباري = الناس فيهم من يرسم وحجام
وبلاي والله خبابراً لي خباري = وعز الله إني لو تأثرت ملام
ولا تشمت أمه لو تهل العباري = ولو أنها تبدي طويلات الأرجام
ولو أنها تقنب قنيب الضواري = من واحداً ماهوب يقطع فالأرحام
يالله يارب البشر والذواري = يا عاقل يوسف بعد عشرة أعوام
إنك تجيره من نهار العزاري = نهار في يوماً يضيعن الأنسام[/poem]

الشاعر / غزاي المطيري والد الشهيد

غزاي الاسم الذي ذكر بالقصيده يقصد به ابن الشهيد الوحيد

يتبع

مالك · 05-17-2004, 07:20 PM

[align=center]مرثية شقيقه الاكبر[/align]

[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
مل قلبٍ يصبح الصبح ما نام = من هاجسٍ في كل لحضه يزوره
تصرمت منه العلايق تصرام = والحزن خيم فيه واقفت سروره
والعين هلت دمعها دمع الايتام = اللي عليهم حكم الدهر جوره
ماهوب حب مردوع الخد بوشام = وقت الجهل يا جهاد ولت عصوره
حزني على قرمٍ شجاع ومقدام = على المراجل طايلاتٍ شبوره
ضحى بنفسه للوطن درع وحزام = لين المنايا عجلت في ثبوره
منساه لين الشمس تطلع من الشام = والا القمر يطلع لنا من شروره
ولو عشت عمرٍ عاش به نوح قدام = ذكراه تبقى في الضمير محفوره
أعيش معها بالثواني والايام = واقطف بها ريح النفل من زهوره
ويجول في صدري صدى صوت سطام = واشوف في عيني لسطام صوره
ويزورني طيفه على شكل الأحلام = واسرح معه والعب معه عصر كوره
واخاف انام وتمسح بعض الاوهام = اللي على قلبي تبرد حروره
لو صحت ياباجد وعضيت الابهام = سطام من ناحه تقدر شعوره
في موتته علق على صدورنا وسام = وكانت حياته بدر نمشي بنوره
الله يحطه مع هل الخير الاكرام = في جنة الفردوس تبنى قصوره [/poem]

مالك · 05-17-2004, 07:24 PM

[align=center]مرثية شقيقه الاصغر [/align]

[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
عزاه ياقلبٍ شكى الهم عزاه = وعزاه ياعينٍ بكت فقد غالي
وعزاه ياعمرٍ قسى الوقت وافناه = وعزي لكم يامرتجين الليالي
من يوم مات اللي عيوني ترجاه = ما عاد باقٍ لي بهالكون غالي
مات الزعيم اللي على الطيب مرباه = الوافي النادر وسيع الحبالي
على القسى واللين يضحك محياه = شيخٍ رقى بالطيب روس الجبالي
شيخٍ مشى في سكة المجد بخطاه = يشيل حملٍ فوق كل احتمالي
يومٍ كل يظهره فعل يمناه = يمناه بيضاء من فعوله تلالي
لاجاء النهار اللي تعاقب رزاياه = يبيع روحه ما تساوي ريالي
بقدم على الموت الحمر من سجاياه = لا هابوا الريجيل هو ما يبالي
لا ضاقت الدنيا علينا زبناه = تلقى الذراء به والروى والظلالي
سطام مهما قلت محصى مزاياه = هو المثال اللي يسمى مثالي
مات وترك في صفحة العز ذكراه = على الشرف موته كريم السبالي
أبكيه وأبكي كل ما حل طرياه = عليه دمعي فوق الأوجان سالي
واحس قلبي واهج النار يصلاه = واحس كبدي تحترق فوق صالي
ليت المنايا خيرتني وانا أفداه = ياليت أبو غزاي حي بدالي
اليوم تو الكون ضاقت زواياه = والبيت دونه كنه اليوم خالي
ما عاد للدنيا طعم عقب فرقاه = ولا تستوي عقبه قهوة الدلالي
كن الحياة محدةٍ له وتنعاه = بيض الليالي مثل سود الليالي
من عقب أبو غزاي لا وحلالاه = شان الزمان وضيق الله بالي
وضاقت على ذودٍ سرح به وضواه = ومعوده يرعى بعيد المفالي
كم حاجرٍ قفرٍ من الوسم ترعاه = وياما رخص من دونها كل غالي
اليوم لو ما يهتني في مضحاه = أكيد جاري له مثل ما جرالي
لا شك الا يالله يالله يالله = يا واحدٍ فوق المخاليق عالي
يارب تجعل جنة الخلد مثواه = تسقيه من نهرٍ قراحٍ زلالي[/poem]

وهج المشاعر · 05-17-2004, 08:01 PM

[align=center] الله يرحمه ويرحم اموات المسلمين .....
صح لسان من قال الابيات .... وسلمت يا اخ مالك على نقلها لنا .....
الف شكر لك .......

تحيااتي واشواقي [/align]

^كــاتم أســرار^ · 05-17-2004, 09:12 PM

صح لسان الكل والله يستاهل أكثر رجال ضحى بنفسه في سبيل الله ثم في سبيل الوطن

رحمة الله علية وعلى كل الشهداء وعلى كل من ضحى في سيبل الله وعلى أموات

المسلمين

مع تحياتي كاتم أسرار

بــقايا إنســان · 05-22-2004, 01:18 PM

عسى الله يرحم الشهيد بإذن الله
الملازم اول سطام العقيلي المطيري

كانت لدي قصائد أخرى لكنني لم اعثر عليها

شكراً اخوي جرح

مالك · 05-23-2004, 01:29 PM

وهج المشاعر . كاتم أسرار . بقايا انسان

اشكرك على تعليقكم لا عدمتكم يالغالين

*حور* · 05-25-2004, 01:34 PM

لا تحرمنا من مشاركاتك الرائعة
ولا تبعد عنا بأفكارك الجميلة

وليبقى لنا هذا القلب الصافي
وهذا القلم الضافي
للأبد
وننتظر منك الجديد والأروع

تحياتي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصائد الأديب الكبير شكسبير	+ cـاJـي oـwـــتواه +	منتدى اللغات الأجنبيه	6	10-08-2006 06:46 AM

أدوات الموضوع
مشاهدة صفحة طباعة الموضوع أرسل هذا الموضوع إلى صديق

قصائد رثاء بالشهيد سطام

همسات من الشعر