برنامج بقناةcnbc عجبني بقووووووه

طموح · 07-19-2007, 09:04 PM

ياهلا وسهلا بالتماسيح والسحالي

اقلطواا الله يحييكم ..بس ترا ماعندي قهوه ..بامريكا يجيبون كافي ..

اليوم بقولكم عن البرنامج اللي عجبتني فكرته بالنسبه لللامريكان يعتبر شي جداااااا محرج

البرنامج يشترك فيه الF BI و POLICE وقناة CNBC

البر نامج يعرض ع الهوا مباشرة (ركززززوا معاي بث مباشر يعني لامفر)

هدف البرنامج او الخطه اللي راسمينها الFBI انهم يمسكون التماسيح اللي يكونون علاقات جنسيه بالانترنت

عن طريق الشات او بعض المواقع بالسحالي اللي اعمارهم 14 سنه واقل..طبعا في امريكا هذي جريمه

يمكن يكون بعض الاعضاء هناشايفين البرنامج

باتفاق من الCNBCمع وحده من السحالي عمرها 14 انها تدخل الشات وتعرض معلوماتها بدون صورتها

وتشوف من اللي يبي يتعرف عليها مع العلم ان تكوين علاقه مع سحليه بعمر 14 واقل غير شرعي وعليه غرامه وسجن

(ولعلمكم الخاص احد الطلبه العرب لهم اكثر من سنه بسجن امريكا بسبب تكوين علاقه مع سحليه امريكيه عمرها 14

بس للاسف الطالب هو مع ولد عمه ماصارلهم جايين للدراسه الا شهر ...متشاركين بالبنت ..والى الان بالسجن ومحكوم عليهم اعدااااام لانهم للاسف اقروا واعترفوا انهم سوا علاقه جنسيه معها )

من جد اعدااااام ..الله يفرج كربتهم يارب ويصبر اهلهم ..انا ما احب اتذكر هالسالفه لانها توجع القلب .

طبعا البوليس الامريكي مسنع بيت بنيوجرسي بنيو يورك على البحر للسالفه هذي وحاطين كاميرات من على بعد

شوارع قبل البيت عشان يراقبون السياره اللي بتجي وتدور..وداخل البيت كاميرات بكل مكان حتى على البحر قدام

البيت كاميرات يعني لالالالالا مفر..

الكاميرات بتكون تابعه لشبكة CNBCلبث المباشر وفيه مراقبين داخل غرفة بالبت يطالعون بالشاشات تحركات اللي

بيجي..وسماعات بينهم وبين السحليه اللي معاهم عشان يعلمونها وش تقول او وش تساله

ماتتخيلووووووووووووووون العدد الهائل اللي صادوهم والاغلبيه بين عمر 40 و60

وشلون االسالفه تصير ..

اقولكم ولا اخليها حلقه ثانيه ..اممممممممممممممممممم

كني تعبت من الكتابه

.
.
.
.
.
.
.
.

من الحماس ودكم تعرفون ..

اوكي بكمل ..كسرتوا خاطري

البنت طبعا لما تتعرف على واحد بالنت تقوله كم عمرها وطبعا هو عارف ان هذا غير شرعي وعليه سجن وغرامه

ومع ذلك يجي على حسب العنوان اللي تقوله له البنت بحكم ان اهلها مسافرين ولا طاليعن سينما وماراح يرجعون الا

متاخر.. يجي التمساح ويلبق السياره طبعا الكاميرات تكون مراقبته من بعد وتعرف انه هو ويطق الباب وتفتح البنت

ويدخل عندها ,,,

اولا ..تاخذه برا على البحر يكون موجود كرسيين تجلس هي معاه ويسولفون من ضمن الاسئله تقوله وش بنسوي

بحكم انها عذراء وصغيره وبيكون هالكلام شاهد على نفسه ( عاد مقدر اقولكم الاسئله والاجوبه ) عيب

فالسحليه تطول بالاسئله شوي وتعال شوف الفضايح وكلها ع الهو ا وبعضهم يستعجل الدخول للبيت بس هي

تقول اني اول مره وخايفه فخلينا نتكلم ..

في لحظه الكلام الفاضح يجي فجاه مراسل الCNBCويفاجاه وتقوم السحليه تدخل البت ويكمل المراسل ويقوله

انت ابوها ولا وش عندك جاي هنا ههههههه

بعضهم يصييييح على طول من الخوف اذا كان عارف الشخص ويقوله لايكون فيه كاميرات يقوله ..اووووووو

بكل مكان ومسجله كل كلامك..وابشرك ع الهــــــــــــــــــــــوا..

واللي يحلف ويقسم انها اول مره ولا عاد يسويها واللي متزوج ويقول لاتقولون لزوجتي واللي يقول انا متدين

بس الشيطان لعب على ....( هم للحين مايدرون ان فيه بوليس يحتريهم )ههههههههههه

يقوله المراسل اوكي لاتعيدها مره ثانيه وتقدر تروح

وفجاه وهو طالع من البيت يهجمون عليه الFBI وتعرفون عاد وشلون هجوم البوليس هنا ,,

من جد وناااااااااااااااااسه انا مبسوطه ع البرنامج وماتوقعت يسون هنا مثل هالتحفظ

نهاية البرنامج يقولك في خلال 3 شهور صادو 250 من اللي يسون شات مع بنات اقل من 14 سنه وهم عارفين انه

ممنوع وغير شرعي..

بس انا اعتبرها بدايه طيبه لهم بغض النظر عن باقي الاعمار

وسامحوني ع الاطاله

بس من الحماس حبيت تماسيحنا وسحالينا يعرفون شي جديد بالنسبه للي مايعرفونه

تحيااااااااااااا طموح ااااااااااااتي