|
|
|
منتديات | العاب | اخبار | العاب بنات | تحميل صور | دليل | دردشة | دليل | ابتسامات | الاعلانات | Directory | sitemap |
|
|
 |
|
 |
 |
 |
 |
 |
|
 |
 |
 |
 |
 |
 |
 |
|
|||||||
| التسجيل | التعليمـــات | قائمة الأعضاء | التقويم | اجعل كافة المشاركات مقروءة |
| قضايا المجتمع والأسرة كل مايخص شؤون الأسرة والمجتمع ..من قضايا اجتماعية واصلاحها .. |
 |
|
|
LinkBack | أدوات الموضوع |
08-13-2003, 09:14 PM
|
رقم المشاركة : 1 | |
|
|
ناس ما تقدررررر وجع
بسم الله الرحمن الرحيم
هذا الغبي لو انه حمد الله .. بس يستاهل  أم ريـــال.... " قصة حقيقية " حصلت في المملكه العربيه السعوديه تقدم سعود لخطبة ريم هي رفضت في البداية بحجة كل البنات انها بتكمل دراستها لكن امها وابوها اقنعوها في الأخير لان الولد اخلاق ومستقيم ووظيفة محترمة ومن عايلة كبيرة والكل يمدح فيه ويتمناه لبنته... المهم جا وشافها وشافته واعجبو بعض... واخذ موعد من ابو ريم علشان يجي مع ابوه ويتفاهمون على باقي الامور الروتينية... جا الموعد المحدد وحضر سعود مع ابوه واثنين من اعمامه... ومعهم المهر... قام وفتح علبة المهر واخذ منها ريال واحد فقط ورجع الباقي وقال حنا نشتري الرجال...!!! عجز المعرس واهله يقنعون ابو ريم فاستسلموا واخذوا فلوسهم ومشوا... مرت الايام وريم ابوها عوضها المبلغ اللي رجعه وجهزت نفسها وجت ليلة العرس... اول ما دخلت ريم على عريسها استقبلها وقال: (هلا يا ام ريال!!!) البنت طاح وجهها ساعتها بس عدتها... مو حلوة تسوي مشكلة من اول ليلة... ومن ذاك اليوم وسعود ما تعدي ريم من عنده الا يعايرها بالريال... بعدين تطور الموضوع وصار يقارنها بكل شي بريال... لين قال مرة: ( تشوفين علبة البيبسي هذي؟ تراها تسواك كلكم بريال خخخخخ!!!) وكمل ضحك وهي تغلي... بس ريم كانت كتومة ما تحب تشكي لاحد حتى اقرب الناس لها امها... ومرت الايام وهو ما يناديها الا ام ريال او علبة البيبسي!... هو ما يقصد يهينها بس المزح الثقيل الله يفكنا من شره المهم راحت لامها مرة وأمها كانت ملاحظة عليها إنها متضايقة من شي فحلَّـفتها تقولها وش فيها... بعد محاولات كثيرة من الأم فضفضت لها ريم وهي تبكي وقالت لها الشي الوحيد اللي منكد عليها حياتها... وطلبت من أمها إنها ما تجيب سيرة لأبوها... لكن الأم قالت: (لا يا بنيتي أبوك غلط ولازم يصلح غلطته وياما قلت له إن هذا يقلِّل من قدر بنتك ما يرفعه لان الناس الحين يقيسون بعض بالفلوس بس ما سمعني... خليه يشوف وش سوى... أنتي يا بنتي لك كرامة وإحنا ما بعناك... تطمني وخلي الموضوع علي) وراحت طيران لزوجها وهي تغلي بتنفجر من القهر وحكت له السالفة... أبو ريم انهبل من اللي سمعه وحلف ما تطلع ريم من بيتي إلا راد لها اعتبارها... جا سعود بياخذ زوجته عالعادة بس ريم ما طلعت طلع ابوها بدالها وسلم عليه وطلب منه ينادي أبوه وأعمامه يجون يتقهوون عنده... وانه بعد المغرب حيكون في انتظارهم... الولد ما شك في شي راح ونفذ اللي قاله ابو ريم وجاب أبوه وأعمامه... استقبلهم أبو ريم وجلَّسهم في المجلس بدون ما يحسون بشي... طلع أبو ريم من جيبه ريال ونادى ولده الصغير محمد وقال له: ( محمد أبوي رح للبقالة وجب لي علبة بيبسي...!) الرجال استغربو وضحكو فيما بينهم على تصرف أبو ريم أما سعود ما وصلته الرسالة لسه... جاب محمد البيبسي وحطه على الطاولة... شوي قام وطلع ريال ثاني نادى محمد وارسله يجيب له علبة بيبسي ثانية... سعود بدا يعوّره قلبه... كنه شم ريحة تلميح... جا البيبسي وحطه أبو ريم جنب الأول... وعمل نفس الشي مرة ثالثة وجاب بيبسي ثالث وحطه مع الباقين... وقال: ( الحين الله يحييكم اقدر أقولكم ليه أنا مناديكم... أنا أخذت منكم مهر بنتي ريال واحد... بس ولدكم ما قدر هالشي وقعد يعايرها بعلبة البيبسي... أنا الحين غيرت رأيي... أنا باخذ بنتي... وانتم خذو بدال ريالكم ثلاث علب بيبسي...!) الرجال ما يدرون وين يودون وجيههم من كلام ابو ريم تفاجأوا وفشلهم سعود بعمايله بجد أما سعود الله اعلم بحالته شوي ويغمى عليه هو كان يتميلح وريم تبلع بس ما توقع إنها بتكبّر الموضوع... أبو سعود قال: ( والله ما لي وجه أقول شي بس أتمنى انك تمسحها بوجهي أما سعود أنا بتفاهم معه... وبنتك على راسي... ترجع بيتها معززة مكرمة واضمن لك انه ما راح يعيد اللي سواه )... رد عليه أبو ريم : ( كلامك علة عيني وراسي يابو سعود بس والله ما تطلع بنتي من بيتي الا بثلاث مية ألف ريال مهر زيها زي غيرها أنا يوم رفضت أول مرة اخذ الفلوس توقعت أنها بتكبر بعيونه لكن مع الأسف اكتشفت العكس) طبعا الجماعة ما قدرو يقولون شي الا إن هالشي من حقك وحق بنتك... وجمعو المبلغ وقدموه للبنت وكذا ما عاد فيه شي يضايق ريم بس سعود ما عاد له عين يحطها بوجه أبوها |
|
    
|
|
08-13-2003, 10:41 PM
|
رقم المشاركة : 2 | |
|
|
شكرا اخ شرطة على المشاركة الجميلة
ومن آياته ان خلق لكم من انفسكم ازواجا لتسكنوا اليها وجعل بينكم مودة ورحمة ان في ذلك لآيات لقوم يتفكرون" الآية الكريمة تقرر ان المرأة اية من ايات الله ! خلقها من انفس الرجال ، لا من طينة اخرى ...وخلقها لتكون زوجة وخلق تلك الزوجة ليسكن اليها .. والسكن امر نفساني وسر وجداني يجد فيه المرء سعادة لشمل المجتمع وانس الخلوة التي لا تكلف فيها ، وذلك من الضرورات التي لا يجدهاالمرء الا في ظل المرأة |
|
|
|
|
08-14-2003, 01:43 AM
|
رقم المشاركة : 3 | |
|
|
اخوي شرته بصراحه القصه جدااااااااا رائعه.....بس للااسف هذا هو حال مجتمعاتنا الخليجيه بس تدري يستاااااااااهل سعووووووووووود صدق مايقدرر ولا ينعطى وجه <===== ماتيوووووز عن لقافتها:D تقدم سعود لخطبة ريم ممكن نغير اسم سعود;):p تحياتي اختك الريم آخر تعديل الـــريـــم يوم 08-14-2003 في 01:46 AM.
|
|
|
|
|
08-14-2003, 05:36 PM
|
رقم المشاركة : 4 | |
|
|
عن جد ناس ما تقدر
هذا حالنا صارت الفلوس تعني كل شي اذا المرأة تشرطت عليه بالمهر ما عجبه وقالوا مسرفة و اذا خلته على راحته و قدرت ظروفه ينظر اليها على انها اقل من غيرها و يشوف روحه عليها و هذا الكلام اقوله لاني عرفت وحدة قبلت بأقل القليل لكن الي خطبها ما قدّرها لين طلبت الانفصال و اذا في احد خسران فهو الخسران و انا اشوف ان سعود هذا يستاهل الي صار و اكثر يعطيك الف عافية شرررطة المنتدىى على نقلط لهالموضوع تحياتي رهف |
|
|
|
|
08-14-2003, 10:31 PM
|
رقم المشاركة : 5 | |
|
|
أخي شرطة المنتدى هذا الموضوع لا يمت للرجال بأي صلة وإنما يعود ذلك
على الشخص نفسة { سعود } فهذا هو عقله وتفكيره وطبعا الأخوات جعلوا ذلك على الرجال بشكل عام وهذا خطأ والدليل على ذلك هو والد ريم وأبو سعود وعمه فقد ضربوا أعظم الأمثال فهذا الرجل لم يقدر الثروة التي وهبة له وهذا عبره لغيره وليست المرأة بالثمن وإنما بالأخلاق وحفظها لبيتها وزوجها هذه هي المرأة التي تربي أولادها على التربية الأسلامية وتصون زوجها وبيتها ولا تقاس بثمن قد يكون مهرها غالي ولكن لاتستحق حتى الريال والعكس من ذلك يكون مهرها رخيص ولكنها تستحق الملايين وفي حديث عن الرسول صلى الله علية وسلم { أفضل النساء أيسرهن مؤنه} وفي حديث عن المهر قال الرسول صلى الله علية وسلم { لأحد أصحابه عندما ذهب ليخطب ألتمس ولو خاتما من فضة } أشكرك أخي على هذا الموضوع مع تحياتي كاتم أسرار |
|
|
|
|
08-15-2003, 05:13 PM
|
رقم المشاركة : 6 | |
|
|
تسلم على القصة ومااقول الا الله يخلف عليه احد يرفس النعمة ما يفتهم :D
|
|
|
|
|
08-23-2003, 12:45 AM
|
رقم المشاركة : 7 | |
|
|
هههههههههههههههههههههههههههههه
وربي يستاهل اللى جاه جزاه واقل من جزاه بس الا سواه ابو ريم غلط لان ما فى احد الحين يرفض المهر اول سؤال يسالونه بعد ما يسالون عن اخلاق الولد واهله واصله المهر والشبك ووين بنتهم تسكن علشان يامنون لها العيشه الحسنه هذاك اول ان الرجال يعطى بنته بعد عطييه لا ريال ولا علبة بيبسى بس الاول تغير يعطيك العافيه على هالموضوع اختك |
|
|
|
|
| أدوات الموضوع | |
|
|
| Directory Forex colleges Business Computers Games Health Home News Recreation Reference Science Shopping Sports |
| العاب دردشة شات العاب |
