تراه ما يكفي الحكي

sanfora

المديرة العامة لمنتديات عالم الطفل

تراه ما يكفي الحكي

--------------------------------------------------------------------------------

أعرف واحد دايم يقول ترى الدنيا ما فيها خير وتراها خيبة من هي له

هذا هو كلامه ويكرره ليل ونهار ، لكن ما قد شفته قاعد أبد قبله ركض

حتى الأكل ياكل وهو واقف ، لو رحت للحراج لقيته يدور ويبيع ويشتري

ولو رحت لسوق الخضار لقيته يحرج ويتهاوش علشان ريال ولو رحت لسوق

الغنم لقيته .


ولا يخلي شيء فيه ربح إلا محاول شراءه وغاث البايع علشان نصف ريال

عسر في بيعه وعسر في مشراه ولو تبيه ينزل لك ريال ما قدرت عليه

وإلى جلسنا معه في استراحة أو مجلس صار يقول ترى الدنيا ما فيها

خير تراها خيبة من هي له يا حظ اللي روح منها خفيف.

يا ترى هل عندكم مثله ؟


وهل تكفي الأقوال دون الأعمال ؟

ترانا كلنا نعجب بالمثاليات ونستانس وحنا نقولها وننبسط من اللي


سواليفه ترخص لنا الدنيا لكن لازم نكون عمليين ، والظاهر إن أغلب

أهل الكلام غير عمليين ، حكي فاضي وبس .