مجردسواااااااااااالف

ماطر سحاري · 01-08-2008, 07:50 PM

السلام علــــــــــــــــــــــــيكم
بما اني جالس قدام النت ولا عندي سالفه قلت بخربط شوي وبهرول يمين يسار
البارحه طالع من مطعم نسيت اسمه انصحكم بها المطعم فيه مشويات جيده تبون اسم المطعم تلقونه في اخرالشارع مسفط على اليمين فاتح بابه المهم طلعت وناظريمين يسار ابي محطة بنزين اففف بالشارع الثاني دزيت على بالي بديور من عندالاشاره قريبه الاشاره يوم وصلت الاشاره الا ممنوع الدوران اففففففف على كذا مانا راجع الا من بعيييييييييييييييييييد عادقلت لازم اديور واللي يصيريصير المهم يوم فتحت الاشاره اسمع العالم بييييييب بييييييييب بيييييييييييييييييييييييييييييييييييب واللي يصارخ واللي يسب انواع الكلام وانا اديور شوي شوي العالم جاي طايره ماشيه الفين شوي وحمرت الاشاره وكان اديور بسرعه قبل ما يشوفني المستربوليس والله ماناقصني مخالفات المهم شفت الزحمه قدامي وش عنهم افففففف والله عادانا اكره الزحمه قلت مالي الا اطب معهم وطبيت في ذيك الزحمه ومريت من عندالمحطه نسيت اني قاصدها ماتذكرت الا بعدما عاديتها افففففف بعدذيك البهذله انساها

شوي ودق الجوال اوووووووالرقم غريب ماعرفه اصلاً كل الارقام اللي عندي قليله جداً بعض الزملاء بالعمل فقط عاد رديت نعم الا وذيك البنت اللي تصارخ انت ياللي فيك 00000000000000انواع التهزيء انت دقيت علي مزعجني وشت تبي يا000000000ورجعت طيب لحظه عطيني فرصه اقلك انك غلطانه موبأنا يابنت الحلال المهم ماكان تصدق سديت الخط وهي باقي تصارخ الناس واقفه زحمه
انا كنت مشغل الراديو على ام بي سي ما سمعت غيرصوت الفرامل انا بصراحه ضنيته واحد بيصدم فيني من ورى قدمت بسرعه وني اصدم اللي قدامي اووووو تدرون وش طلع صوت الفرامل بداية اغنيه في الراديو
عادنزل الرجال اللي صدمت فيه يقول انت ماتشوف فتحت الدريشه بشوييييييش قلتله تراك انت يالحبيب اللي راجع انتبه لسيارتك ترجعبك ومنت حاسس قال اجل اسف مدري كيف مشت عليه اكيدكان سرحان
عاد قلت ارجع البيت احسن

يقولون ها السنه بيجي برد شديد اشدمن كل سنه انا احب البرد بس موبهذه الدرجه
من مميزات البرد يكثرفيه الكسل ويكثرفيه النوم الله يعين اصحاب المدارس ياكثرغياباتهم 00على فكره اللي ما يجيه النوم بسرعه يلبس ثوب النوم ويطلع يجلس بالحوش شوي واللي ماعنده حوش يطلع الشارع ما يرجع الا وهوخالص يبي الدفا على طول ينام
وخاصه اللي عنده مدرسه
على سيرة المدرسه يوم كنت ادرس في المرحله اللي بعدالابتدائي تعرفون اسم المرحله ونا اعرف اسمها بس ما بقوله على شان الاسم ممكن يختلف عندبعض الاخوان حسب البلد اكتفي ببعدالمرحله الابتدائيه المهم كان عندنا مدرس علوم غثيث كنت بالصف الثالث000مدرس بصراحه ماندانييييييييه كل الطلاب المهم اتفقنا انا لازم نعمل فيه منكح وفي يوم من الايام وفي وقت فسحة الغدى وبعدماطلعوا جميع الطلاب صكيت الباب وفكيت مساميراللي ماسكه في كرسي المدرس بقيت واحد محلول يعني اذا جلس الله يخلف كانت حصته بعدالفسحه مباشره خلاص بدأت الحصه وجاء المدرس وقال بدون ما يسلم شوفوا المديرجاي الحين وبيسألكم كم سؤال اللي بيجاوب صح اعطيه 5درجات من عندي تدرون المديرلازم يقيم المرس قلت والله هذه النشبه قلت يا استاذ المديرجاي قال نعم قلت وبيجلس على الكرسي قال وش المانع قلت راح فيه المسكين عاد المديرمطوع وكان صديقي ما يسمع فيني ما امداني الا المديرداخل وبيده دفترتقييم المدرسين السلام عليكم وعلى طول قال للمدرس تفضل اشرح الدرس ونا عيني على الكرسي ماحديدري غيري حتى الطلاب باقي ما علمتهم عن شيء يوم جلس المدير الا وهومحضرتحت الطاوله افففففف بغيناها للغثيث المدرس جت في المدير تعالوا اسمعوا انواع الكعكعكعكعيكع قام المدير قال للمدرس بعد5دقايق ابي اللي سواها يكون على مكتبي وبحطلك ممتازبالتقيم لكن اذا ماجاء بحطلك ضعيف وهذا اللي هونها علي بصراحه انه بيحطله ضعيف
المدرس قعديطالع فينا نحن الطلاب قال اللي فيه خيريقوم ويعترف 00ايه هين يعترف
قلت يا استاذ اما انا وربي مافيني خيروخاصه اليوم ذا مافيني خيرابد
عاد انا من بعددخلت على المدير وعلمته بالسالفه