دكتور العيون

البرنس توب

المدير العام لمنتديات الشباب

--------------------------------------------------------------------------------

السلام عليكم ورحمة الله وبركاته


هذي قصيدة سمعتها فعجبتني
فحبيت أكتبها لكم لعلها تكون

اختيار موفق وتنال اعجابكم



وهي للشاعر محمد بن فطيس


يا مؤمن الريفي انا جيتك زبون
جيتك على مدح اكثر الناس وعنيت
جيت وتعالى الله عن ما يشركون
لولاه يا مؤمن لطبك ما اهتديت
راضي بحكم الله علي مهما يكون
عالج عيوني لو بعد طبك عميت
ودي اخاشر في البصر من يبصرون
واشوف دربي لاسرحت ولا ضويت
وإلا قنصت اثبت مع اللي يثبتون
واشوف طيري كل ما أوميت ودعيت
ياكثر مايضرب خويي الطبلون
من كثر ما اكلته طبات وكليت
وودي اشوف اللي عليٍٍَِِ يعرضون
وبعض الليالي ودي اسري دون ليت
واشوف ناس في القفا مايرحمون
أما وقفت لصاحبي وإلا مشيت
من دون نظارة ولاهم يحزنون
ياكثر ماكسرت كشمات وشريت
لكن يادكتور جعلك ماتهون
ابغيك كلمة راس دامك مابديت
اسمع ولا ابغى اللي وزانك يسمعون
ربي كتب يكشف لك أسراري وجيت
صورة عديل الروح عندك في العيون
اخاف تقطعها بموسك ماوعيت
ولا عليك أمر أطوها تحت الجفون
وعقبه لو تقطع عيوني ماشكيت
هي رأس مالي والعرب مايدركون
إني على باب الممات وماحكيت
ياقو قلبي يوم قفن الظعون
اللي على ذاك الموادع مابكيت
ويا صبر صبري والعواذل يحسبون
إني دلهت من الهوى وإلا سهيت
اسكت عساهم من سكاتي يسكتون
وانا عن اللي في ضميري ما انتهيت
وادور الفرحة مع اللي يسهرون
ماذكروني خذت فنجال وسريت
أخذت من وقتك يادكتور العيون
عالج عيوني لو بعد طبك عميت
واستر علي واللي معك لايفطنون
انت الوحيد اللي بعد ربي دريت


وسلامتكم

م
ن
ق
و
ل


تحياتي