شعر عبد الرحمن بن مساعد - الفقير

مستر حربي · 02-15-2008, 02:15 PM

هذي قصيدة من قصائد عبد الرحمن بن مساعد اسمها....الفقير

فقير وعندي المال الكثير ..

فقير وملبسي غالي حرير ..

وياصاحبي الحافي الفقير ..

ابنشدك ابسئلك وشهو الحصير ..

وابسئلك وشلون انا امر وانهي ..

واذا حكيت قبل انتهي من كلمتي ..

يقاللي سم ويصير ..

ولاشكيت من غفلتي طول زمنها ..

يقاللي لاتشتكي ماخلقت الشكوى لأمير ..

وابسئلك وشلون انا مع كل ذا ..

!!!اقول عن نفسي فقير؟؟؟ ..

ياصاحبي لاصار لضحكه ثمن ..

وصارو اصحابي كثيربس بثمن ..

والوفاء مابه وفاء الا بثمن ..

ابسئلك ماني فقير ؟؟؟ ..

ولاصارت اقوالي حكم ..

ولاقالها غيري غدت .. حكي قديم ..

ابسئلك ماني فقير؟؟ ..

ولاصرت انا مانيب انا ..

ولاغلطت قالو صحيح وكل شي اعمله يصبح عظيم ..

ابسئلك ياصاحبي ماني فقير؟ ..

وياصاحبي ابنشدك لمن جفتني دنيتي ..

وابتدا الدرب الطويل الى ابد ماينتهي ..

وانتهي العز القديم وماكنت اظنه ينتهي ..

والموت بدد فرحتي .. وحطوني في قبر صغير ..

وحزنو علي وبكو هلي وناس من ربعي قليل ..

وارتاح من وجهي كثير ..

وبقيت وحدي في حيرتي مابه احد ..

لاطال عمرك ولاتحت امرك ..

ماغير انا وخوف ولحد وحساب قدامي عسير ..

وقتها ذكرت اني من زمان ..

يوم انه امهلني الزمان ..

هذا ظلمت هذا جرحت ياما كذبت ..

وذنوبي ماتحصي كثير ..

وقتها الا ندمت ونفسي كرهت ..

عرفت ان الله كبير وان الهلاك اصبح اكيد ..

واني انا مالي رجاء..ولاهروب من الدجاء ..

من الجحيم الا بأمل عندي وحيد ..

ان الله غفار ورحيم ..

ابسئلك ياصاحبي عني في وقتها ..

ماني فقير؟؟ ..

أنتظر ردودكم

أسير الغربة · 02-15-2008, 05:20 PM

فقير

وعندي الشئ الكثير

من أروع القصائد التي كتبها الشاعر

عبد الرحمن المساعد

ومن أقربها الى قلبي

انتقاء رائع أخي الفاضل

مســتر حـــربي

لا عدمنا جديدك

تحياتي لك

أسير الغربة

مستر حربي · 02-15-2008, 05:31 PM

مشكوووووور على الرد يا اسير الغربه

rosana · 02-16-2008, 02:45 AM

مشكووور اخي مستر حربي

على القصيدة الرائعة

لك تحياتي

مستر حربي · 02-16-2008, 06:31 PM

مشكوووووووووووووووووره على الرد يا روزانا

اخوك حربي

أدوات الموضوع
مشاهدة صفحة طباعة الموضوع أرسل هذا الموضوع إلى صديق

شعر عبد الرحمن بن مساعد - الفقير

* روائع مختارة *