(غــــلـــطـــــه)

الحبابي · 09-24-2003, 04:07 PM

[poet font="Simplified Arabic,4,white,normal,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=" glow(color=darkred,strength=4)"]
والله إني كنت ألوم اللي يضيـق إن غـاب خلّـه = لين جرّبـت المحبـه والفـراق وقلـت توبـه!!

لعنبو . جـد المفـارق فيـه هـم . وفيـه ذلّـه = أثـر كـل الحـب لـذه والفـراق أكبـر عيوبـه

أمس . فارقـت الغـلا ومفـارق الخـلان علّـه = والعـلاج الوصـل لاتبلـش طبيـب ولا حبوبـه

الزعـل هـو سبّـة الفرقـا يهّـز الحـب كلّـه = ليتنـي طولّـت بالـي قبـل لا يعلـن غـروبـه

واهني اللي وسيع الصـدر صـدره وسـع فلّـه = غلطة الصاحب تجي وتـروح ماهـي بمحسوبـه

عارفٍ قـدره وقـدر اللـي يحبـه فـي محلّـه = ذاك نفسه لا حشا ماهي علـي الحـب مغصوبـه

سامـح الله طبعـي الـلـي للتغـيّـر يالعـلّـه! = قاضبٍ خلك عزيز . ولين صـارت لـي عقوبـه

ليش تحسب غلطة الصاحب علي الصاحب مذلّه !؟ = ليش ماتحسب ميانـه لوتجـي عشريـن نوبـه ؟؟

لا وربـي كنـت أحبـه حيـل مـادوّرت زلّـه = لا تشكك في غـلاه . ولا تساعـد فـي هروبـه

لايمـي . قبلـك تعبـت ألـوم شعـار المجـلّـه = وكنت مؤمن في مقولة أعـذب الشعـر الكذوبـه

وأثـر كّـلٍ فـي حياتـه لـه تجـارب مستقلّـه = وأنت لا تشره علي . مثلي . وتبـلا لـك بحوبـه

كـان جابتـك الحميّـه روح لـه تكفـا وقـلّـه = لا يخليـنـي وإذا ودّه يخـفـف مــن ذنـوبـه

يستخيـر ولـه غـلا قلـبٍ صـدوقٍ مـا يملّـه = فدوةٍ لـه كـل قلبـي مـن شمالـه لـي جنوبـه

يـوم قفّـا والخفـوق يفـوح عقبـه فـوح دلّـه = وسط وقدة واحـدٍ عـزّ الشتـا والسهـر دوبـه

لاتقهـوى . بـارده مـن بـرد فنجالـه وزلّــه = ثم قرّبها علـي جـال الجمـر وأرهـى شبوبـه

ويـن يدلـه هالخفـوق وكـل مايـدلـه يتـلّـه = طاري اللي ياكثر ما أتعبت رجلـي فـي دروبـه

لاطـرى . جريـت ونّـة مـن بـلاده مستحلّـه= مثل ماراحـت بـلادي مـع شعـارات العروبـه

كل هاجـوسٍ يجيبـه جعـل شعـري فـدوةٍ لّـه = وأعذابي . كل مـا جابـت لـي القبلـه هبوبـه

مشغـلٍ قلبـي بحبـه دون خلـق الله . مـن الله = هيه . ياللي ممتلكني حسـن وأسلـوب وعذوبـه

ماسمعت إن الخوي لـه بالخـوي تسعيـن زلّـه = وأنـت طـوّف زلتـي ياعـل تفـداك اللعـوبـه

صاحبي سيف الهجر . لاصـرت تقـدر لاتسلّـه= ماتظن العفـو عنـد المقـدره أفضـل عقوبـه ؟؟

أيه أنا اللي كنت ألوم اللي يضيق إن غـاب خلّـه = لين . جرّبت المحبـه والفـراق وقلـت توبـه
[/poet] منقول

جــفن الليــل · 09-25-2003, 09:09 AM

[ALIGN=CENTER]لاتقهـوى . بـارده مـن بـرد فنجالـه وزلّــه ثم قرّبها علـي جـال الجمـر وأرهـى شبوبـه

ويـن يدلـه هالخفـوق وكـل مايـدلـه يتـلّـه طاري اللي ياكثر ما أتعبت رجلـي فـي دروبـه

اخوي الحبابي صح لسانك ولسان القائل..

قصيده جميله جداً جداً
في غاية الروعة.

تحياتي.[/ALIGN]

بــقايا إنســان · 09-25-2003, 01:59 PM

صح والله لسانك

صح والله لسان الشاعر

وسلم ذوقك يالحبابي

ما شاءالله عليك

مبدع في اختياراتك وذوقك الرائع

تسلم والله ولا هنت على هذا النقل الرائع

تحياتي
بقايا إنسان

*حور* · 09-25-2003, 02:08 PM

عندما تلبس الحروف حلة بحجم هذا الجمال قل لي بربك ما جدوى حروفي

المتواضعة التي سأكتبها رداً على إختيارك وإن غسلتها بماء من ذهب

وحشوتها درراً وياقوتا فلن يجدي ذلك

استهلالك رائع فكيف بالقادم

الحبابي · 09-28-2003, 04:03 PM

[ALIGN=CENTER][TABLE=width:70%;][CELL=filter: glow(color=darkred,strength=3);][ALIGN=center]جفن الليل

بقايا انسان

نسيم الروح

الف شكر على مروركم وعلى ردودكم التى اسعدتنى

تحياتى[/ALIGN][/CELL][/TABLE][/ALIGN]

أدوات الموضوع
مشاهدة صفحة طباعة الموضوع أرسل هذا الموضوع إلى صديق

(غــــلـــطـــــه)

همسات من الشعر