شوفو الولد شكد جذابين...أويلي

أميرة بغداد · 03-17-2008, 07:07 PM

1.. اول المكالمه " الووو حبيبتي تدرين اني نايم ..... بس اول مشفت رقمج طار النوم من عيوني ....

<< كذاااب بس ساعتين نوم والباقي دياحه>>

2... "حبيبتي اني جنت سهران ماعرفت انام بس افكر بيج وصافن بجمالج

<< جنت سهران تلعب دوملة ويه جماعتك.... ولا جتي ابالك المسكينه>>:

3... " حبيبتي اني احب البنيه تستأذن من تطلع لأي مكان ....من خوفي عليج لازم تخليني اعرف وين تروحين وين تجين!!!!!

<<اللللللله يالصواريخ .... سوده عليه شكد يحبهااا>>>

4..."حبيبتي يا عمري انتي

<<< اذا كل وحده عمرك...... اجل مجموع عمرك وشوفه شكد يطلع!!!!!؟؟؟؟؟ >>>

5..." حبيبتي تدرين اني اريد اغير سيارتي مليت منها واريد اجيب نوع جديد ومحتار ...

<< وانت وين شايف سيارات بس عالنت والأفلام يا مكدي>>>

6..." حبيبتي شوكت تريديني اجي اخطبج من ابوج....

<<< هذا وجهي .. اذا شفتيه وصل عتبة باب بيتكم >>>

7..." حبيبتي اريد اخلص من دراستي بالجامعه .. وبعدين اتفرغ للشغل مع الوالد بشركاته

<<<الله ابوه بياع بسطه خلاها شركات ؟؟؟؟؟؟!!!!!! لعد لو عنده عربانة شلغم اشجان كال >>>>>

8..." حبيبتي اني استأذن اريد اروح اجيب الاهل من المطار ... لأن تدرين السواقين مشغولين والباقين ماخذين اجازه

<<< عادي ندري رايح تجيب امك من كدام الأورزدي ..خلصت البسطه >>>>>

9..." حبيبتي الباب ديدك اكيد هذا المكوي... لاني ماحب اغسل هدومي بالبيت

<< ههههههههههه اكيد الديانه يريدون فلوسهم>>>>

10..." حبيبتي انتي اول وحده تملك احساسي وقلبي وكل مشاعري , غيرتي كياني وبدلتي حياتي ...

<<< ايا ملعون ... من يا فيلم حافظ هذا المقطع >>>

11..." حبيبتي جبت لك هديه حلوه كولش اكيد راح تعجب ذوقك لاني جايبها لك من ... ارقى محل ..

<<<محوسمها من بسطة امه..ويكولي ارقى محل >>>

12... " حبيبتي انتي اول بنت حبيتها بصدق واخلاص ,, وراح تثبت لك الايام

<<< اكيد راح تثبت الايام ..... بس بالعكس...>>>

13..." حبيبتي حبيبتي تدرين شحلمت ؟؟؟؟؟ انوو انتي جايه عندي .وبقميص ابيض .. تكولين ملاك...الخ .<<الباقي مشفر >> .

وكنت طاير من الفرح <<< الصاروخ واضح ..... وبدون تعليق >>>

14..." حبيبتي اشتاقيتلج تدرين اني هسه اخذت موبايلي داتصل بيج .. بس سبقتيني

<<< يا سبحان الله ,, يا محاسن الصدف .. والبنيه ضحيه وتصدك>>>

15..." حبيبتي حبي لك كان من قبل ماشوفك لان قلبي كان يقولي عن جمالك ..

<< صح صح صح !!!!! والله انت باقي وياها الا ان تشوفلك غيرها>>>

16..." حبيبتي .. اني اروح اصلي لانه اذن خليني الحق على المسجد قبل ما يقيم....

<<< عمرك ماركعتها . يعني هسه راح تسوي روحك ورع !!!!>>>

17..." حبيبتي .. تعودت كل سنه اصيف بسويسرا ,, بس السنه اريد اغير لأن مليت ...

<<< ههههههههههههه خطيه هو حتى المحافظات مشايفها >>>

18..." حبيبتي .. لحظه اشويه << انتظار .. شاسوي دايما تجيني ازعاجات ...
البنات ميخلوني ؟!؟!؟!؟!

<<< ماشالله صاير جون ترافولتا على زمانه >>>

19..." حبيبتي اريد اغير غرفتي شنوو رأيج يا لون اجيب؟؟؟ !!!! ....

<<< وهو نايم على قريوله حديد مال جيش وهدومه معلكها بالبسمار>>>

20..." حبيبتي صيحيني بأسمي هوايه لأن احب اسمع اسمي على لسانج
<<< ديلله هسه من جمال اسمك ..
هههههههههههههههههههههههههههههههه
تحياتي