{ريض يالطارش} للمنشد ::مشاري العفاسي

بسمـــة ألــــــم · 03-24-2008, 07:56 AM

السلام عليكم ورحمة الله وبركاته

.
.

ريض يالطارش يالمعنا .. خط بكتابك ابترحيبه
لو سرى بك ليلك أو جنا..بالدجى في الليل تسريبه
وان سأل عنا له المنا .. قل على ما جنت تدريبه
مدعيكم غايب ن عنا .. و الحكم ميوز في الغيبه
ينبغي لانسان يتأنى .. و يحكم باحكام ن امصيبه
لا تحسب الحيف ذا منا.. النصف ناخذ و نعطي به
سو يميل أو بلغه عنا .. بالسلام و ألف ترحيبه
بلغ المهموم ما اتهنى .. ساهر ليله يهاذي به
يشغله بالفكر والظنا .. مكر وسواس وألاعيبه
حزن في قلبه مخفنه .. دون ناس خايف تعيبه
قول له اللي له المنه .. عالم بالجهر والغيبه
يعلم بحالك ولكنه .. يختبر عبده بالمصيبه
من بغى مثواه للجنه .. مارضى بالنفس التعيبه
حدك اللحيلته يتمنى .. وحد حلمه بايده اييبه
واللي يقول يارب آمنا .. مايعرف الياس والريبه
زاده القرآن والسنه .. وإن دعاه الداعي ايجيبه
طارشي إن ييت قوول إنه .. على العهد والوعد توفي به

نشيدة مليئة بالنصايح والحكم الدينية والاجتماعية والنفسية..
والأجمل أنها باللهجه الاماراتيه

الأنشودة من ألبوم [ ذكريات ]

كلمات / عبدالله المطوع ،، أداء / الشيخ مشاري العفاسي ..

من هنـــآ